Home Gobierno Transformacion di Fundacion Parke Nacional Aruba a base di principio di bon...

Transformacion di Fundacion Parke Nacional Aruba a base di principio di bon gobernacion

69
0
SHARE
- Advertisement -

ORANJESTAD (AAN): Minister di Desaroyo Teritorial, Infrastructura y Medio Ambiente Otmar Oduber, ta aplaudi e pasonan cu e awor yama:  Hunta di Supervision di Fundacion Parke Nacional (FPNA) a tuma pa asina transforma e organizacion den un organizacion cu ta opera segun principionan di bon gobernacion.

Diahuebs 31 di januari 2019 den presencia di notario Hilde Rodriguez-Taekema, como tambe anteriormente conoci como hunta di directiva di Parke Nacional, como tambe manager di parke, a tuma luga e transformacion y implementacion di principionan di bon gobernacion pa loke ta statutonan di FPNA.

Esaki despues di un tempo intenso y estrecho unda cu e personanan apunta por medio di corte y lidera door di ex- Gobernador señor F.J Refunjol , a haci un inmenso trabao pa asina poco poco transforma  FPNA den un  organizacion pa futuro, asina contribuyendo na salvagaurdia e sector medio ambiental di  Aruba.

Tin hopi trabao ainda pa haci y algun reto pa sobrepasa.

Pero cu e hunta di supervision di FPNA y e statutonan cu ta basa riba principionan di bon gobernacion, lo eherce e trabaonan y transforma e retonan den oportunidadnan.

Actualmente  FPNA cu sosten di Ministerio ta trahando hopi duro pa finalisa e trabaonan pa loke ta nos parke marino. Enfocando riba e plan di maneho cu aworaki ta den forma conceptual, incorporando diferente vision pa actornan clave den nos comunidad. Tambe por menciona cu e siguiente paso lo ta e aspectonan di areanan candidato pa worde proteha (19+ areanan).

Asina poco poco conhuntamente cu Ministerio y e vision di  FPNA e sector di medio ambiente  ta ricibi un plataforma igual na otro sectornan den nos comunidad.

Palabra di elogio ta bay pa tur persona cu ta forma  parti di e hunta di supervision di FPNA pa nan empeño, pa nan trabao, pa nan conseho y pa nan dedicacion pa transformacion di e organizacion aki den e organizacion di futuro.

Ministerio ta bisa danki pa e confianza na cada un persona cu a sinta cu Ministerio na mesa pa asina yega na un mihor organizacion pa Aruba.

 

- Advertisement -

DUNA COMENTARIO

Please enter your comment!
Please enter your name here