Home General Tur departamento di enseñanza lo wordo ubica den edificio JFK

Tur departamento di enseñanza lo wordo ubica den edificio JFK

184
0
SHARE
- Advertisement -

Minister Rudy Lampe:

ORANJESTAD (AAN) – Minister di Enseñanza sr. Rudy Lampe tambe a hiba palabra durante e ceremonia di spantenbier di Centro J.F.Kennedy.

E mandatario a comparti e hecho cu tabata papiando un rato prome cu un di e trahadornan y el a bise cu el a studia na J.F.K Scol y e tabata hopi emociona trahando riba e proyecto aki, y a mustre cu nan tabata para unda e gymzaal tabata ubica.

Minister Lamper ta mira asina e importancia historico cu e edificio aki tin pa e historia di enseñanza na Aruba. Pesey tur departamento cu tin di haber cu enseñanza lo wordo ubica den e edificio aki.

E dignatario a subraya cu por spera un explosion di ideanan y creatividad ora tur cabes den enseñanza bin hunto bao un solo dak y topa otro, y por coopera cu otro mas di cerca.

Tur esaki tanto e banco como e trahadornan envolvi, y gobierno no ta hacie pa interes di nan mes pero pa interes di nos muchanan pa ofrece nan un mihor futuro.

E dignatario a expresa cu e no kier a keda atras ora cu sr. Giel a duna un primicia tocante e plaza cultural cu ta bin dilanti di e edificio, y duna otro primicia.

Esaki ta cu e siman aki e ta bay firma otro MOU cu AIB. Kiermen e proyectonan ta bay continua y e confianza tey. E MOU ta e MAVO anuncia pa e area di Noord.

- Advertisement -

DUNA COMENTARIO

Please enter your comment!
Please enter your name here