Home Salud Un problema cu casi no ta wordo papia di dje pero ta...

Un problema cu casi no ta wordo papia di dje pero ta un realidad

193
0
SHARE
- Advertisement -

“Blaasontsteking” den hende homber?

ORANJESTAD (AAN) – Un tema di salud cu practicamente no ta bin dilanti den prensa, pasobra ora ta papia di “blaasontsteking” tur hende ta asumi cu hende muher so ta haye.

No obstante esey no ta e caso. Hende homber, tanto hoben como adulto tambe ta sufri di esey, y awendia tin mas caso cu den temponan tras, aunke ainda e prevalencia mas halto ta cerca hende muher.

Tambe ta asina cu e sintomanan y e posible causa ta diferente den homber homber y hende muher.

DIARIO por a compronde cu na Aruba e problema di infeccion di urina cerca hende homber tambe ta ocupa e consulta di urologonan, y buscando informacion al respecto cerca un profesional den salud, el a  email pa nos e relato interesante aki.

E ta indica tambe cu blaasontsteking ta afecta mas of menos 10% di e poblacion femenino den nos pais cu tin un bida sexual activo y alrededor di 25% di e damanan cu ta den e periodo di menopause of post menopause.

En cambio bao e ser masculino hoben un 2 pa 3% ta wordo afecta pero ora e volumen di e prostate ta aumenta, entre nan 45 pa 50 aña di edad, e cifra ta subi na un average di 7-10%.

E infeccionnan di urina medicamente ta conoci como ITU. Den e baron e casonan di ITU ta aumenta ora nan pasa di 50 aña mayoria di biaha tin di haber cu e diagnostico di “hyperplasia benigno di e prostate”. ITU por afecta mas of menos 30% di e poblacion masculino mayor di 65 aña y tin indicacion cu mas cu 10% di nan di e edad aki bay ariba lo sufri di infeccion urinario durante resto di nan bida.

E riesgo den e adulto mayor (femenino y masculino) ta aumenta den paciennan diabetico, of cu ta sufri di calculo renal, como tambe cerca esnan cu ta uza cateter urinario sea ocasional of permanente.

Tambe un bida sexual activo por aumenta e riesgo di infeccion di urina, debi na e transito bacteriano debi na: Escherichia coli (causa di mas cu 80% di e diagnostico), staphylococcus saprophyticus, Klebsiella pneumonia, Clamidia, y Proteus mirabilis.

Un diferencia cu tin tambe entre e causanan di ITU den hende muher y den hende homber, ta e longitud di e uretra. Por ehemplo e Clamidia por coloniza e prostate den hendenan homber hoben sexualmente activo, tambe cerca esnan cu nan prostate ta aumenta di tamaño, y esey ta haci cu basha e blaas ta mas inadecua cu si ta trata di otro tiponan di germen manera E.Coli, Klebsiella y Proteus.

SINTOMANAN:

Dolor y ardor ora di urina, mal holo den e urina, esaki su color ta bira scur y hasta por presenta sanger. Keintura halto cu calafrio y malestar general. Na diferencia di hende muher cu e efecto mas fuerte ta tuma lugar den e blaas of e nier, den hende homber ta sosode den e prostate (prostatitis) y den e testiculo (Orquitis).

E tratamento ta a base di antibiotico, y den mayoria di caso e ta tarda menos pa haya alivio cu den hende muher, aunke tambe den hende homber e por bira recurente. Y semper ta recomendable pa ingeri hopi likido, y haci un habito di dje principalmente awa.

 

- Advertisement -

DUNA COMENTARIO

Please enter your comment!
Please enter your name here