Home Impuesto Un siman prome cu e “deadline” di 28 di Februari y ainda...

Un siman prome cu e “deadline” di 28 di Februari y ainda tin 20.423 number di auto cu tin cu wordo paga

43
0
SHARE
- Advertisement -

Meverly Romano di DIMP:

ORANJESTAD (AAN):  Ainda e rekinan di plachi number na Departamento di Impuesto ta basta yen. Esey ta loke Meverly Romano, vocero di DIMP a duna di conoce.

Te cu diabierna siman pasa ainda tabata tin un cantidad di 20.423 plachi number cu no a wordo paga. Esey ta representa 26.8% di e total di doñonan di vehiculo di motor.

Segun Romano, e cantidad aki ta basta grandi ainda mirando cu falta un siman mas pa e “deadline” di 28 di Februari.

Departamento di Impuesto ta haci un apelacion na e automobilistanan pa tene cuenta cu esaki ta un obligacion. Ya caba a wordo duna un luna mas di tempo pa cumpli cu e deber aki, pero dia 28 di Februari ta bira e fecha final. Esey kiermen cu no lo tin mas prolongacion y mesora lo cuminza parti boet mas lihe posibel.

DIMP a habri e posibilidad di pago for di inicio di December. A pasa december, a pasa januari y februari ta cabando y DIMP ta di opinion cu e automobilistanan a haya suficiente tempo pa por cumpli cu e pago di impuesto.

Aworaki, apenas un siman prome cu e “deadline” di 28 di Februari ainda tin 20.423 number cu tin cu wordo paga, a reitera.

El a agrega cu aña pasa tabata tin clientenan cu no a haci pago di nan impuesto na tempo of nan no a pagu’e mes. E clientenaan aki a haya un “naheffingsaanslag” cu un boet di 50%. Esaki ta algo cu no tin mester di a pasa pasobra e ta un obligacion.

E “naheffingsaanslag” lo nifica cobra e belasting inclui 50% di boet. Si un persona su belasting ta 300 florin, e lo haya un “naheffingsaanslag” di 150 florin pa e prome mitad di aña, pero e 150 florin ey ta bin acompaña cu 75 florin di boet cual ta haci e cobranza mas halto, esta 225 florin.

Si acaso ainda despues, ora cu 30 di juni yega, cu e cliente no a cumpli cu e di dos mitad di aña, e ora e lo bolbe haya un ‘naheffingsaanslag’ pa e di dos mitad di aña, a bisa.

Esaki ta e posibilidadnan cu ley ta duna Departamento di Impuesto pa saca e tipo di cobranzanan aki y lo inclui un boet, pero e no ta algo cu tabata necesario, e PR di DIMP a remarca.

 

- Advertisement -

DUNA COMENTARIO

Please enter your comment!
Please enter your name here