Home General Ya caba varios pallet a wordo kita for di ruta di Carnaval

Ya caba varios pallet a wordo kita for di ruta di Carnaval

62
0
SHARE
- Advertisement -

Robby Rosel, vocero di Bureau City Inspector

ORANJESTAD (AAN):  Dia 9 di februari, cuminsando di 7 or di mainta te cu 7 or di anochi, a cuminsa pone stellage, auto of locual ta e set up cu ta tuma luga e trailernan cu ta bay ta ariba Vondellaan.

Robby Rosel, vocero di Bureau City Inspector (BCI), a enfatisa cu cada persona cu a paga pa kavel na DIP, a haya nan reglanan. Regla nr. 5 y 6 ta loke BCI ta stress ariba dje cu no mag di pone pallet ni riba kavel ni tampoco ariba e tentnan cu tin riba e ruta.

No ta bay permiti esaki, y si pone pallet ariba e ruta, BCI lo kita esaki. Durante un control ariba e ruta, a haya varios pallet y a pidi esnan concerni pa kita esaki.

Dilanti cas di Famia de Kort, den Vondellaan, no ta permiti pa pone kavel ya cu nan ta bay ta papiando cu e personanan cu tin kavel dilanti cas di Famia de Kort, ya cu ta cera entrada di nan cas.

Ariba L.G. Smith no ta permiti pa corta mata, pone pallet of carton. Mester mantene naturalesa netchi. Si corta e matanan esaki lo tuma nota di dje, y esaki ta bay ta na fabor di e doño.

Tentnan ariba L.G. Smith Blvd lo pone e tentnan cu ta ariba e rutanan, entrante 11 di februari. Y pa mas tarda 11 di maart tur trailer, tur tent, tur cos mester ta kita for di ariba e ruta.

Durante periodo di carnaval, BCI lo ta activo controlando tur e rutanan, e paradanan di Santa Cruz, Parada di Mucha di tanto San Nicolas y Playa, Paradanan di Luz di Playa y San Nicolas, parada grandi di Playa y San nicolas. BCI lo ta partiendo saconan di sushi pa pone tur sushi den esakinan, pa asina yuda tene e ruta limpi.

Ta bay un suplica pa tur esunnan cu ta bay gosa di nos carnaval, pa mantene e ruta di carnaval limpi, mantene Aruba limpi, duna cooperacion na Serlimar y BCI pa tene nos isla limpi, pa ora nos bishitantenan, prensa internacional yega Aruba, nan por disfruta di un Aruba limpi, di un carnaval cu nos a gosa pero cu nan tambe a gosa.

 

- Advertisement -

DUNA COMENTARIO

Please enter your comment!
Please enter your name here