Home Hudicial 6 aña di prison pa homber cu a haci dos asalto arma

6 aña di prison pa homber cu a haci dos asalto arma

152
0
SHARE
- Advertisement -

Hues a confirma exigencia di Fiscal

ORANJESTAD (AAN)  – Manera DIARIO a publica, ayera mainta Hues a dicta sentencia den e caso penal cu Ministerio Publico a cuminsa contra e homber A.B., kende ta sospecha di a haci dos asalto arma. Hues a haya A.B. culpable di tur dos acusacion y a confirma e exigencia di Fiscal cu ta 6 aña di prison, kitando e tempo cu A.B. ta sera den KIA. 

ACUSACIONNAN

E acusacionnan cu Fiscal a presenta algun siman pasa contra A.B. ta cu riba 26 Juli 2018 el a haci asalto arma riba un trahador homber F. na pomp station Citco Savaneta. Fiscal a mustra cu A.B. a usa un arma di candela y bay cu tas cu mas o menos 2 mil florin. Despues cu el a haya e tas el a los un tiro y a subi un auto bay.

E di dos acusacion ta cu riba 23 Juli 2018, tres dia promer, A.B. hunto cu otro a haci asalto arma riba un trahando di pomp station Citco cu ta biba na Tanki Leendert. Eynan A.B. a usa como arma un schroefdraaier.

Fiscal a bisa cu ta casonan hopi serio di asalto arma. Victimanan di asalto arma ta spanta hopi y por keda traumatisa. Fiscal ta haya cu asalto arma ta crea inseguridad den comunidad y ta afecta nos turismo. Arma di candela ta hopi serio. El a tene cuenta cu situacion personal di A.B. y cu A.B. tin carchi di castigo cu ta mustra cu e ta residivista. Fiscal a bisa cu e ta tene cuenta cu castigonan cu Hof ta duna pa casonan asina. El a exigi 6 aña di prison y ta aproba demanda di daño. 

SENTENCIA

Ayera mainta Hues a bisa cu e ta haya legalmente proba e dos acusacionnan caminda A.B. hunto cu un otro a haci dos asalto arma.

Hues a bisa cu e ta tene cuenta cu a haci 2 asalto arma. Esaki ta causa inseguridad den comunidad y ta daña e imagen di Aruba. Hues tambe a tene cuenta cu na 2015 y 2017, ya caba A.B. a haya condena pa delitonan mesun cos.

Hues a bisa cu e auto ta keda confisca. Pa loke ta e victima na Tanki Leendert, Hues a honra su demanda y pone medida di pago. Esey ta nifica cu Ministerio Publico lo percura pa A.B. paga y si e no paga e lo bay sera.

Hues a confirma e exigencia di Fiscal. El a condena A.B. na 6 aña di prison, kitando e tempo cu e ta sera den KIA.

- Advertisement -

DUNA COMENTARIO

Please enter your comment!
Please enter your name here