Home Parlamento 620 florin y 1100 florin pa luna na telefoon y Lotto ta...

620 florin y 1100 florin pa luna na telefoon y Lotto ta paga

397
0
SHARE
- Advertisement -

Parlamentario Endy Croes :

ORANJESTAD (AAN):  Parlamentario Endy Croes a splica di lo keda publica fechorianan cu a y ta tumando lugar den Lotto pa Deporte pasobra e ta sinti cu HUES mester ta na altura di tur e abusonan cu a tuma lugar ultimo 9 añanan y no por ta asina cu e abusadornan aki  por continua cu fechoria cu placa di deporte.

“Lotto pa Deporte a wordo funda na aña 1982 cu e intencion pa genera placa pa sostene deporte. Lamentablemente desde cu AVP a drenta na poder november 2009 pa awor Mike Eman y Mike De Meza a dicidi di nombra activistanan di AVP como miembronan di bestuur cu un agenda pa secuestra y horta placa di Lotto kisas na un manera legal? Tempo lo mustra.

Ayera nos a publica prueba con Lotto den aña 2010 y 2011 a malusa 2.5 MIYON florin di fondonan di Lotto pa investiga hendenan drechi pagando tanto Ernst & Young y amigonan abogado sumanan miyonario. Banda di esaki e miembronan di Bestuur Janga, Eli Kock, Kamperveen, Arnold Legrand, casa di Desiree Croes Benvinda Da Sousa  y hefe na Elmar Flavio Faneyte y Distefano Wernet a colabora cu otro pa saca fondonan di Lotto.  Tristo pero berdad.

Na nos disposicion nos tin un tabel di gastonan di telefoon di apenas e promer 5 lunanan di aña. Por tuma nota cu Taxista Kamperveen amigo personal di Mike Eman ta gastando averahe Afl.1000 florin di placa di deporte pa paga su celular pa luna y di januari pa mei, pues den 5 luna a usa Afl. 4450,- na celular. Ken e guy aki ta yama tanto asina? China? Of ta un chick e tin na Colombia manera nos por a compronde? Kico ta su contribucion na deporte? Dieptriest! E ex pelotero pensionado Eli Kock ta usa averahe Afl. 600 florin pa luna na celular. Eli a gasta den 5 luna Afl. 2833,- florin na yamada. Kico ta su contribucion? En realidad Eli mester yama asina tanto pa Directiva di Lotto? Pa aña Eli ta usa di fondonan di Lotto Afl. 8000,- na celular. Kico ta e splicacion pa hustifica esaki?

E pober atleta ta mata su mes den higra di solo pa bende rifa pa paga su propio ticket di apenas Afl.700 florin kisas locual e “guysnan” aki ta gasta den 1 luna na celular. Total BESTUUR di AVP nombra pa Mike Eman y Mike de Meza a malusa Afl. 14209,- na celular den apenas 5 luna y un total di Afl. 40.000,- florin na celular den aña 2010.

Pueblo puntra bo mes si ta pa e rason aki bo ta cumpra Lotto? Nos trabao di Parlamentario ta pa busca e berdad y informa pueblo basa riba e berdad y “SINMIEDO”!! Dianan di e Bestuur aki ta conta y awor cu nos tin masha hopi documento henter aña 2019 nos por dedica masha hopi capitulo na e activistanan di AVP den Bestuur di Lotto”, Endy Croes a trece dilanti.

 

 

- Advertisement -

DUNA COMENTARIO

Please enter your comment!
Please enter your name here