Kier mira mas studiantenan masculino den e proximo añanan
ORANJESTAD (AAN): Ricky Hoek, Professional & Society Coordinator na Universidad di Aruba pa e Opleiding di Social Work & Development, den cuadro di e “Luna di Trabao Social” el a duna di conoce cu 90 pa 95% di e studiantenan cu ta cuminza e opleiding aki a caba.
Esaki ta trece hopi satisfaccion pa Universidad di Aruba, a bisa. Durante di e 4 añanan di estudio, nan tin un guia intensivo y hopi persona cu e studiantenan. “En berdad bo ta wak cu nan motivacion ta hopi halto pa e trabao aki”.
E reto cu tin ta cu trabao social ta wordo mira como un profesion pa e ser femenino. Kier haya mas personanan masculino den nan programa e aña aki.
E aña escolar 2018-2019 tin un grupo di 14 studiante, cu ta un di e gruponan mas grandi cu a cuminza cu e opleiding aki, a indica.
Ta mira cu den transcurso di e añanan, e estudio aki ta hayando e importancia y e balor cu e mester den nos comunidad, Hoek a finaliza bisando.
