Home Policial A celebra 60 aña di servicio y entregamento di decreto na KPA

A celebra 60 aña di servicio y entregamento di decreto na KPA

197
0
SHARE
- Advertisement -

ORANJESTAD (AAN):  Na Centro di Husticia na Santa Cruz tabata tin un celebracion ameno pa celebra un etapa largo den e organisacion policial. Den presencia di famia, colega y amigonan a haci entrega di decreto gubernamental y a celebra hubileo di 25 y 35 aña den Cuerpo Policial Aruba.

Pa celebra un etapa largo den bo bida y pa dedica mas cu 2 decada na Cuerpo Policial Aruba ta un momento pa refleciona e tempo nan cu bo ta dedica na bo pais.

A celebra 35 aña di Sr. Dewese A. Young Onderinspecteur 1ste klasse. Actualmente “coordinator ploeg” di San Nicolaas. 35 aña dedicando su tempo y pasion pa sirbi nos pais. 35 aña di experencia unico pa sirbi su pueblo.

Hunto cu Sr. Young a celebra tambe 25 aña di servicio di Sr. Gwendell J. Davelaar actualmente como “Ondersteuning Magazijnbeheerder” di San Nicolaas. Cu su conocimento amplio den su funcion e ta celebra 25 aña den KPA.

Hunto cu e celebracion special aki a haci entrega di decreto gubernamental na:

Sra. Riza U.U. Henriquez cu ta “Klerk 1ste klasse” na Central di Polis y Sra. Lourdes M. Joseph cu ta Adjunct commies 1ste klasse – Senior Recherche assistent na districto di Noord.

Cada un persona den KPA organisacion ta importante sea e tin un rango policial of ta duna servicio publico. Cada persona den e organisacion ta balora. Nan ta e persona cu ta dedica nan tempo, pasion, experencia y guia pa e siguiente generacion cu sigui den Cuerpo Policial.

Comisario di Polis Sra. Irma Gordon a hiba palabra presente y tabata cu orguyo el a haci entrega di e documento aki y a celebra un etapa largo y unico di nos coleganan cu hunto a celebra nan 60 aña den KPA.

“Danki pa boso servicio, experencia y lealtad tanto pa guia e hobennan cu ta forma parti di nos organisacion. Cu boso experticio nos por sigui brinda e seguridad, integridad y servicio na nos comunidad. Danki na cada miembro di famia pa laga nan ser keri dedica mayoria su tempo pa sirbi su pais”.

Contacts:

Jose G. (Lito) Lacle:           5272975  jglacle@kparuba.com

Liliana A. Rasmijn:               527292  larasmijn@kparuba.com 

Hoofd Bureau van Politie

Macuarima #65 Santa Cruz, Aruba

Tel: (297) 527-2900 

- Advertisement -

DUNA COMENTARIO

Please enter your comment!
Please enter your name here