Home Parlamento Ademas e parlamentario a elogia Minister Presidente cu su participacion na New...

Ademas e parlamentario a elogia Minister Presidente cu su participacion na New York

84
0
SHARE
- Advertisement -

Endy Croes ta felicita pueblo di Aruba cu Dia di Himno y Bandera

ORANJESTAD (AAN) – Diaranzon mainta, fraccion di MEP a tene su conferencia di prensa den su sede na Santa Cruz. Parlamentarionan Endy Croes, Edgard Vrolijk y Sue Ann Ras, a hiba palabra.

Parlamentario Endy Croes, na prome lugar a felicita pueblo di Aruba cu su celebracion, Dialuna 18 di Maart, di Dia di Himno y Bandera, y a mustra su deseo pa nos tur celebre orguyoso di nos Isla.

Seguidamente el a referi na e bishita na New York di Minister Presidente mr. Evelyn Wever-Croes, na unda el a participa den e Conferencia di Nacionnan Uni, titula “Women & Power”.

Den e conferencia aki tabata presente como binti dama, Presidente of Minister Presidente di paisnan grandi, y ora cu e bin e lo papia tocante e tema aki. E parlamentario a elogia Minister Presidente, cu a representa Aruba debidamente.

Mientras tanto, Minister di Finanzas mr. Xiomara Ruiz-Maduro, cu a atende reunionnan cu instancianan manera Fitch, Standards & Pours, y el a tende e noticia cu aña venidero Aruba lo haya e confianza bek pa haya un mihor interes ora di haci prestamo.

 

- Advertisement -

DUNA COMENTARIO

Please enter your comment!
Please enter your name here