Home General Alerta pa mayornan tocante presencia di pedofiel

Alerta pa mayornan tocante presencia di pedofiel

46
0
SHARE
- Advertisement -

Trahador social ta aplaudi St. Franciscus College pa su denuncia via Facebook

ORANJESTAD (AAN) — Un informacion hopi preocupante a bin den prensa, na unda cu a detecta rond di St. Franciscus College, un sospechoso na stuur di un auto blanco, cu ta acosa muchanan cu ta na caminda pa scol, y tin indicacion cu ta trata di pedofiel.

Den entrevista cu nos redaccion, e trahador social Lila Maikay e declara cu mayornan y henter comunidad mester wordo concientiza, cu no por keda keto, pasobra esey ta haci mas daño na e mucha y mañan por tin mas mucha frustra y cu despues ta bay haci mescos, pasobra door di keda keto e no ta haya yudanza psicologico na tempo.

E trahador Social ta aplaudi e scol cu a pone e noticia aki riba Facebook, pasobra asina por concientiza pueblo cu nos mester papia. No solamente scol y mayornan pero tur hende. Nos comunidad completo mester actua y papia ora ta mira cu algo asina ta sosode, pasobra asina nos por proteha nos muchanan cu ta nos futuro.

Un mucha cu ta wordo abusa ta bay sufri di self-esteem abao, e no ta confia ningun hende, e por tin comportacion indesea y den futuro nos comunidad por haya diferente tipo di delincuente.

Mayornan mester combersa cu nan yiunan y puntra con nan dia a bay, duna nan atencion, pero awendia trahadornan social mes ta ripara cu mayornan no tin hopi tempo pa nan yiunan. Of ambos mayor ta traha, of nan ta mama of tata soltero y e muchanan ta mucho nan so y nan no tin hende pa papia tocante e cosnan aki.

Esaki ta crea un riesgo pasobra e ora ey e muchanan no tin confianza pa papia tampoco, pasobra nan no tin e relacion aki cu nan mayornan, di por yega cas y conta nan kico a sosode. Mirando cu e tempo pa yiunan ta tiki, e mester ta un tempo di calidad, e trahador social a subraya.

Y e ta haci e yamada na mayornan pa papia cu nan yiu(nan) nan mester tin e confianza pa por papia cu nan mayor, y ora cu tin algo cu ta pone e mucha na riesgo e mayor ta para pe y defende.

El a comenta cu hopi biaha e mayornan of juffrouwnan no ta kere e muchanan, anto nan no ta bay papia mas. E mes ta conoce un caso unda un mucha a conta su mayornan pero nan no a ker’e y awor e ta hopi deprimi y no kier papia cu ningun hende mas.

 

- Advertisement -

DUNA COMENTARIO

Please enter your comment!
Please enter your name here