Home Comentario Apesar cu tin denuncia y polis tin e number di auto nada...

Apesar cu tin denuncia y polis tin e number di auto nada a wordo haci

88
0
SHARE
- Advertisement -

Lisete Gomes tocante caso di pedifiel rond di scol:

ORANJESTAD (AAN) – Fundacion Lisete  Gomes, tambe a mustra su preocupacion cu alerta di Sint Franciscus College, tocante e presencia di un pedofiel rond di scol.

Sra. Lisete Gomes a comenta pa DIARIO, cu nan ta puntra nan mes kico ta bay pasa si e persona ey logra di gara un di e muchanan bay cune.

El a expresa cu e ora ey si “tur hende kier bay core cabes di gai” pasobra aworaki e abusadornan no tin ripara y ta haci cos mahos na bista di e muchanan y hasta di mayornan, y si e comunidad no preveni e situacion ta bay escala cu mas casonan grandi manera tin algun caba.

E Fundacion ta keda alerta, papia tur caminda caba, pero ketobay e tema aki no ta hayando e atencion necesario. E mesun caminda di Cruz, unda e mesun sistema no ta proteha e menor. Ora di haci denuncia e mayornan ta bisa cu nan no ta tende nada. Tambe na dado momento e comunidad por tuma husticia den su man y ora ta maltrata un pedofiel husticia ta bay actua contra e persona cu a maltrate, y e mucha cu a wordo abusa ta keda sin su mama of sin su tata cu ta wordo castiga.

E ta conseha otro hendenan den comunidad manera esnan di transporte publico, chofernan en general cu por nota algo, pa haci denuncia, y tambe pa mayornan papia cu e muchanan pa nan keda mas tanto posible na scol tanten nan ta wordo busca pa nan. Cabesantenan di scol no ta bay cas tanten tin un mucha wardando pa wordo busca, pero hopi mucha ta sali bay cana pafo.

Sra. Gomes ta haya cu mester bin un regla bastante stricto pa e muchanan no bay pafo pero keda paden, tanten mayornan no ta para na porta. Adultonan tambe mester ta pendiente di observa kico por pasa pafo, aunke no ta cu nan yiu, ni si e mucha ta paden den cura den scol of ta cana pafo.

E ta pidi mayornan pa cera gruponan pa check, coopera cu otro, pasobra no tur mayor por busca nan yiu, tambe tin muchanan cu transporta riba bicicleta, y nan tur ta na peligro den tur sentido. Antes e tabata asina pero awo hopi ta bisa cu no ta nan problema pasobra si nan ta interveni e muchanan ta lanta contra nan, of tin mayornan cu hasta la lanta contra docente.

En todo caso tin un pedofiel canando rond di scolnan basico, cu ta un peligro pa muchanan bao di 12 aña y tambe e peligro tey pa muchanan di kleuterschool cu ta mas chikito ainda.

Mayornan tambe ta hunta un rol di siña e muchanan papia di biaha ora nan ta wak un peligro. Siña e muchanan proteha nan mes contra e pedofielnan. Den e caso aki, e dama a subraya, number di auto ta conoce pa Polis, tin un denuncia haci, pero nada a wordo haci den e caso aki, mientras cu tin antecedente cu e tabata filma y saca potret di e muchanan, pues algo nada bon tabata tin den su cabes.

 

- Advertisement -

DUNA COMENTARIO

Please enter your comment!
Please enter your name here