Home Deporte Aruba U17 a cay venci contra Bonaire den wega na Florida

Aruba U17 a cay venci contra Bonaire den wega na Florida

104
0
SHARE
- Advertisement -

ORANJESTAD (AAN): Diasabra atardi na Bradenton (Florida), e team di U-17 di Aruba a cay venci contra Bonaire den nan di tercer wega di Grupo C di e CONCACAF Regional Championship Qualifying.

E wega a finaliza cu score di 1-0, den un partido cu a conoce basta accion di ambos banda, y oportunidadnan di anota goal a presenta na numeroso ocasion.  Pero bala no tabata kier a drenta goal.

E prome goal a wordo anota den prome mitar.  Den di dos mitar, Coach Leo a presenta cu diferente substituto pa asina cambia e ritmo di wega, y pa habri mas oportunidad pa Aruba anota.  Esey enberdad a socede, pero e keeper di Bonaire a sa di wanta tur shot riba goal.

Na final di e wega, ambos team a uni riba veld den oracion, pasobra tanto Aruba como Bonaire ta islanan ruman, y esey tabata algo hopi bunita pa observa.

Dialuna awor pa 2:30 pm, Aruba lo enfrenta Guadeloupe.  Como cu Guadeloupe ya caba tin 3 wega gana, pa e isla frances clasifica e mester djis empata of gana e wega contra Aruba.  E muchanan di Aruba ta hayando animo pa haci nan best pa e wega di Dialuna venidero.

 

- Advertisement -

DUNA COMENTARIO

Please enter your comment!
Please enter your name here