Home Cultura Awe y mañan tin e festival infantil y hubenil “Un canto pa...

Awe y mañan tin e festival infantil y hubenil “Un canto pa Aruba su Himno y Bandera”

63
0
SHARE
- Advertisement -

Henter pueblo ta keda invita na Plaza Betico:

ORANJESTAD (AAN) – Sra. Ray Ann Hernandez, Director di UNOCA, tabata presente den e conferencia di prensa yama pa Gobierno, Diahuebs mainta, hunto cu sr. Harry Croes, di Fundacion Un Canto pa Aruba su Himno y Bandera, invita pa Minister di Cultura Xiomara Ruiz-Maduro.

Como parti di e Comision Promove Cultura, sra. Hernandez a duna informacion tocante e Festival Un Canto pa Aruba su Himno y Bandera pa loke ta trata e categorianan infantil, pre-hubenil y Hubenil, cu ta cuminza Diabierna awor, dia 8 di Maart y Diasabra 9, cuminzando pa 6.or y mey di atardi, riba Plaza Betico Croes.

Sra. Hernandez a duna di conoce cu Diabierna awor ta tuma lugar e categoria infantil pa mucha entre 4 pa 6 aña di edad, y di 7 pa 9 aña.

Den a anochi aki tin un total di 14 participante cu ta wordo acompaña pa seis agrupacion musical, y durante e programa lo tin presentacion di gruponan di baile tambe.

Diasabra tin e festival pre-hubenil y hubenil cu un total di 26 participante, cu lo wordo acompaña pa 12 agrupacion musical. Conhuntamente cu e festival lo tin e tradicional tent di cuminda crioyo y artesania local.

Comision Promove Cultura ta haci un invitacion na henter pueblo di Aruba pa bin apoya Aruba su cultura, duna sosten na nos muchanan. Sra. Hernandez a expresa cu enberdad esaki ta un competencia unda e mucha ganador ta haya un premio, pero e premio di mas grandi ta e calor di e publico cu bin apoya e participantenan.

El a gradici tambe e Comision Celebracion Dianan Nacional, pa tur e aporte cu nan ta dunando na e festival hunto cu Departamento di Cultura, e Minister y Gobierno.

 

- Advertisement -

DUNA COMENTARIO

Please enter your comment!
Please enter your name here