Home Policial Aworaki tin control stricto manera mester ta riba autonan cu ta circula

Aworaki tin control stricto manera mester ta riba autonan cu ta circula

454
0
SHARE
- Advertisement -

Lito Lacle, Vocero di KPA:

ORANJESTAD (AAN) – Den entrevista cu nos redaccion  Lito Lacle, vocero di KPA, a menciona cu autonan nobo por keda un periodo di tres aña sin keur, pero esnan di transporte publico si mester wordo gekeurd mesora.

E autonan nobo despues di tres aña si mester keur cada dos aña si ta un auto personal y si ta un pickup of similar cada aña.

Sr. Lacle a comenta cu nan mester comunica cu DTI pa nan bay over na controlnan mas estricto, pa evita cu nan ta core riba caminda sin ta gekeurd.

Mas control tin menos accidente di auto lo sosode riba caminda. Berdad tin hopi auto den mal condicion ta circula, pero bon aworaki ta cu Balashi ta bashi, y aworaki tin e posibilidad pa un par di cien auto wordo poni eyden.

Aworaki cu control ta tumando lugar manera mester ta e posibilidad tey pa tuma autonan den beslag, y hiba nan na Balashi.

Sr. Lacle a señala cu doñonan di auto mester zorg pa nan auto ta den bon estado y e papelnan na orden, pasobra awor si e posibilidad tey cu e persona por perde su auto.

Esaki semper tabata den e leynan pero KPA tin cu hiba e maneho aki manera nan forza ta, y aworaki nan tin lugar suficiente pa hinca un par di auto.

Sr. Lacle a referi tambe na e situacion di numbernan di auto falso cu ta circulando na Aruba. El a splica cu Departamento di Belasting a bin cu plachi nobo cu ta esun orange, cu ta di metal y ta esun cu mester wordo poni riba e auto.

Tur sticker no ta corecto mas y multa ta wordo parti. Pero ta depende si Servicio di Belasting ta duna un keho cu polis por actua riba e personanan concerni.

Kiermen si e persona no ta pone un plachi number e por cuminza conta riba un boet. Zorg pa pone e plachi number dilanti y patras di e auto.

Sticker no ta permiti mas at all. Ley ta papia di plachi number y mester haci conforme ley di trafico ta stipula.

- Advertisement -

DUNA COMENTARIO

Please enter your comment!
Please enter your name here