Barco Zr.Ms Zeeland di Marina Real ta yega pa prome biaha Aruba  Diabierna awor

    481
    0
    SHARE
    - Advertisement -

    ORANJESTAD(AAN): E asina yama stationschip (barco) di Defensa Hulandes pa area di Caribe, ta bay yega Oranjestad pa prome biaha Diabierna dia 22 di Maart.

    Door cu ta prome biaha cu e barco di defensa aki ta bay drenta waf di Aruba, ta bay tin un ceremonia tradicional di yegada.

    E asina yama Oceangoing Patrolvessel Zr.Ms. Zeeland di Marina Real ta bay nabega banda di Paardenbaai alrededor di 8:30 di mainta.

    Exactamente 8:30 e barco Zeeland ta bay duna su prome saludo na e bandera di Reino.

    For di e area dilanti di cas di Gobernador, e saludo aki ta bay wordo contesta pa un delegacion di militar di Mariniers Kazerne Savaneta.

    E prome tiro di e saludo na e bandera di distincion di Gobernador di Aruba ta cay 9:00 di mainta. E salvo di 21 tiro di cañon ta dura 2 minuut.

    E barco di 108 meter tin un tripulacion di 60 militar. Zeeland tin un helicopter NH-90 abordo y ta navega den laman di Caribe desde December 2018, como barco di stacion.

    Banda di presencia maritimo y ofrece ayudo di emergencia, e tarea mas importante di e barco di stacion ta pa yuda den combatimento di droga.

    Pa esey e barco ta wordo uza pa yuda Marina Real, Kustwacht di area di Caribe y e organizacion internacional contra droga,  dirigi pa Merca, yama, Joint Interagency Task Force South.

     

    - Advertisement -

    DUNA COMENTARIO

    Please enter your comment!
    Please enter your name here