Home General Base legal Europeo na fabor economia di Aruba

Base legal Europeo na fabor economia di Aruba

23
0
SHARE
- Advertisement -

ORANJESTAD  (AAN) — E necesidad pa diversifica e economia di Aruba atrobe a ser expresa na 2018 dor di sector comercial. Mientras e conflicto na Venezuela ta parce di ta contra posibilidad pa busca ampliacion di actividad economico pa Aruba na e momentonan aki, DIARIO ta topa cu mas insistencia pa Aruba awor busca ampliacion di su economia.

Un di e teorianan cu a haya expresion ta e hecho cu e base legal Europeo di Aruba ta na fabor di stabilidad economico.

Leynan di Aruba ta basa riba herencia legal di e pais. Despues di e era colonial, leynan nobo a ser introduci na Aruba a base di leynan Hulandes, Europeo.

Mientras instabilidad ta caracterisa e situacion mundial actual cu surgimento di pensamento ideologico nobo, e cuadro legal di Aruba ta crea base solido pa empresanan cu kier establece nan mes na paisnan cu mayor stabilidad.

E hecho cu na 2019 traspaso di sumanan grandi na generacionnan nobo ta continua, ta nifica cu empresanan nobo ta mira luz continuamente guia pa expertonan den comercio internacional.

Siguridad y stabilidad ta dos factor cu ta conta y Aruba tin e beneficio cu e inversionista ta haci negoshi na un pais cu un cuadro legal basa riba leynan cu a ser hereda for di Europa, cu ta reconoci pa e proteccion cu e ta brinda na mundo empresarial.

Aruba tin un bon posicion geografico como parti di Caribe pero e ta resalta den e region dor di su union legal cu Europa cu ta haya expresion den su calidad legal cu ta sumamente importante pa inversion.

E sistema educacional di Aruba cu ta resulta den un cantidad di experto local riba tereno legal tambe ta na fabor di expansion economico.

Manera informantenan a indica na DIARIO,  resultadonan di instabilidad politico y legal ta demostra e riesgo cu inversionistanan ta tuma ora nan establece nan es na un pais. E cuadro di ley di Aruba ta proteha inversion y ta un incentivo pa actividad economico duradero.

Diversificacion di economia cu inversion duradero y solido internacional, ta e solucion cu Aruba mester.

DIARIO lo sigui amplia riba informacion clave riba e tereno aki.

- Advertisement -

DUNA COMENTARIO

Please enter your comment!
Please enter your name here