ORANJESTAD (AAN): Tabata Diahuebs atardi pa mas o menos 5:20 pm, cu Central di Polis ta dirigi su patruya di Oranjestad rumbo pa Rooi Afo unda un Bus a cay riba un mecanico haciendo reparacion.
Na yegada na e Garage, Polis a mira cu di berdad un Bus a cay riba e mecanico di inicial F., na momento cu e tabata haciendo trabao di reparacion.
Segun e yiu homber di F. a declara, cu henter famia ta paden ora cu nan a scucha diripiente gritamento ta bin di pafo.
E mecanico F. tabata bao di e Bus ta cambia bearing, ora e vehiculo direpiente a kita lora for di e asina yama “brug di vehiculo” color geel y bay patras.
E movimento y caymento di e Bus tabatin consecuencia, debi cu e mecanico F. no por a reacciona rapidamente debi cu e Bus a cay y primi e mecanico na su pecho.
Tambe e yiu homber a declara, cu e momento ey hunto cu su dos otro ruman, nan a pasa man pa un Jack di Auto pa hisa e vehiculo na halto pa asina nan libera y saca nan tata for di bao di e vehiculo.
E mecanico a worde transporta cu ambulans pa Dr. Horacio Oduber Hospital pa trato medico.
