Home Gobierno Caminda recien asfalta na Seroe Pita a keda habri diahuebs atardi

Caminda recien asfalta na Seroe Pita a keda habri diahuebs atardi

96
0
SHARE
- Advertisement -

Minister Oduber hunto cu Director di DOW satisfecho cu e trabao

ORANJESTAD (AAN): E caminda di Seroe Pita tabata un caminda cu pa mas di 50 aña a keda den olvido. E tabata haya un pida lapi, of un buraco cu tabata wordo yena pero nunca a drecha e caminda di un forma mas structura.

Diahuebs atardi, Minister Otmar Oduber hunto cu Directo di DOW, Marlon Croes y esnan cu ta trahando ariba e caminda aki tabata presente na e conocido cruzada di Seroe Pita.

Minister Oduber a indica cu e cruzada aki te hasta a bira peligroso y hopi accidente a tuma lugar eynan. Relaciona cu e trabaonan cu tabata tumando lugar a probecha pa pone un duiker y esey ta e motibo cu a tarda un tiki mas cu otro camindanan.

Mas o menos 60 pa 70 porciento di e presupuesto ta wordo dedica na drecha e calidad di bida di un bario y di e hendenan cu pa hopi aña a biba meymey di un caminda di tera. Varios caminda a wordo asfalta, e mandatario a indica.

E otro 30%, a sigui bisa ta wordo dedica na e tipo di camindanan asina cu ta den mal estado y cu mantencion no a tuma lugar pa hopi aña. Pesey tin cu haci un escala di prioridad y Seroe Pita tabata un cu tabata ariba e lista di prioridad, Minister Oduber a señala.

E trabaonan ta finalizando.  A pasa tira un bista con e ta kedando cla y a probecha pa wak otro areanan cu mester di atencion pa asina full e caminda por wordo drecha.

E caminda a keda habri diahuebs atardi manera tabata planifica y lo probecha e proximo siman pa caba di drecha e otro camindanan cu ta conecta cu e caminda principal aki, e mandatario a bisa.

 

 

- Advertisement -

DUNA COMENTARIO

Please enter your comment!
Please enter your name here