Home Policial Caso di mishimento di mucha muher den Pizzeria a haya su otro...

Caso di mishimento di mucha muher den Pizzeria a haya su otro banda di medaya

4589
0
SHARE
- Advertisement -

Parce cu caso lo bay para dilanti di huez

ORANJESTAD (AAN):  Diadomingo anochi a drenta na nos mesa di redaccion un noticia relaciona cu un caso unda lo tabata tin actonan inmoral riba un mucha muher na Pizza Hut.

Na mesa di redaccion a presenta dialuna un persona pa duna su banda di medaya indicando cu e informacion no ta cuadra cu loke a sosode.

E persona aki ta reaccion indicando cu e cu su yiunan tabata invita na un fiesta den Pizza Hut y diripiente dos mucha homber di un 6 pa 7 aña a cuminza bringa cu otro.

Un mucha lo a dal e otro mucha y e señora a bisa cu el a interveni pa e muchanan no sigui bringa. Ta ora cu e tata di un di e muchanan a presenta den playground, unda tabata tin hende reuni cu e dos mucha caba despues cu nan a bringa y a bay menaza e mama di e otro mucha. Parce cu e lo tabata conseha su yiu homber chikito pa e “dal e otro mucha bek” y cu te hasta a haci un menaza di morto.

Segun e señora cu kier a duna su banda di medaya, e no tabata tin arte ni parti den e pleito, pero el a bay intermedia pa nan no bringa.

“E meneer no kier a tende nada. E meneer a djis sigui pusha. E no a respeta cu mi tabata tin un baby di 2 aña y mey den mi braza. El a sigui pusha. Ora mi yiu homber di 17 aña a bin wak kico a pasa sin niun motibo, el a dal den su cara, anto el a kibra su lip”, a declara.

“E ora ey si mi kier a defende mi yiu homber, pero mi no por cu mi yiu muher di 2 aña y mey den mi braza, mi no por haci mucho. Tog el a wak cu mi kier a haci algo pa dal, pero ya mi no por, el a dal mi den mi cara. Anto despues e kier a tuma un stul tambe pa dal nos, pero e hende den e lugar a want’e”.

“Despues nos a yama polis anto polis a hibe. Te awor, segun mi e ta deteni. Nos ta wardando pa bay huez pa declara”, e señora a duna di conoce.

Tambe el a indica cu e cu su yiu a bay docter na warda y tambe Recherche. “Polis a recomenda nos pa nos bay docter na warda. Nos a bay docter na warda y docter a wak tur e golpinan cu slanan cu nos a haya. Anto nos tin e raport. Nos a haci tambe un denuncia na Recherche”, a bisa.

El a enfatiza cu e problema tabata pa motibo di dos mucha homber cu a cuminza bringa. Ningun momento tabata tin un mucha muher envolvi. El a bisa cu e no sa si e meneer aki por tin mas yiu, pero cu mi sa, e yiu ey (mucha homber) so mi sa cu e tin.

Esey ta e otro version di e sucedido cu DIARIO a ricibi.

- Advertisement -

DUNA COMENTARIO

Please enter your comment!
Please enter your name here