Caya Jose Geerman ta wordo cera pa dos siman en conexion cu trabounan di mantencion

ORANJESTAD (AAN):  Departamento di Obra Publico ta informa pueblo di Aruba en general y specialmente e automobilistanan cu ta haci uzo di e caminda cuminsando na Caya Jose Geerman nr4 y cabando na Caya Jose Geerman nr6, cu entrante 25 maart 2019 e lo ta cera e pa 2 siman.

Esaki en conexion cu trabou di mantencion cu departamento di Riolering mester haci.

Pa facilita e trabounan menciona, Departamento di Obra Publico ta haci un peticion na tur automobilista pa no haci uzo di e camindanan menciona  y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.