Home Social Centro di Bario Playa Pabao cu actividad Diabierna, relaciona cu Dia Internacional...

Centro di Bario Playa Pabao cu actividad Diabierna, relaciona cu Dia Internacional di Hende Muher

51
0
SHARE
- Advertisement -

ORANJESTAD(AAN): Diabierna dia 8 di Maart directiva di Centro di Bario Playa Pabao ta organiza un celebracion informativo, relaciona cu Dia Internacional di Hende Muher.

E tema di e anochi ta bay ta: “Bo ta Yama pa Cana den Victoria”.

E orador invita pa e anochi ta Sharleen Tromp.

Despues di su charla tin e oportunidad pa hasi pregunta.

Esaki segun Dennis Burke presidente di Centro di Bario Playa Pabao, durante un conferencia di prensa Diaranzon atardi.

El a splica tambe cu e anochi lo termina cu un ora social, unda cu ta bay tin un presentacionnan di Quincy Hasham, Ruthy Vrieswijk, Omaira Britten, Derwin Kemp y Ron Martis.

Durante e anochi cu ta completamente gratis, lo sirbi tambe snacks vegetariano.

Burke a sigui bisa cu e actividad ta bay ta di 7’or pa 9’or na Centro di Bario Playa Pabao.

El a bisa tambe cu e prome 40 hendenan muher cu yega na e actividad ta bay ricibi un recuerdo.

Presidente di e centro di bario a indica cu tin mas actividad na caminda.

Un di e actividadnan aki ta un curso yama ‘Para Keto Na Mi Mes’, dirigi pa Tracy Werleman.

E topiconan ta: ‘Ken mi ta’, ‘Auto-estima parti 1’, ‘Auto-estima parti 2’ y ‘Imagen nobo di mi mes’.

E cursonan aki ta bay ta na Centro di Bario Playa Pabao riba 13, 20 y 27 di Maart, como tambe riba 3 di April. Nan ta bay ta di 7’or pa 9’or di anochi.

E cursonan ta bay ta completamente gratis, danki na cooperacion di Samenwerkende Fondsen.

Tur participante lo ricibi un certificado, segun Burke.

Inscripcion ta di Dialuna te cu Diabierna di 8’or di mainta te cu 12’or di merdia y di 2’or di atardi te cu 6’or di atardi, na e centro di bario mes.

Burke a informa prensa tambe cu Centro di Bario Playa Pabao ta bay participa na Aruba Doet.

 

- Advertisement -

DUNA COMENTARIO

Please enter your comment!
Please enter your name here