Home General Condicionnan cu Merca a pone pa lanta sancion y sigui cu fase...

Condicionnan cu Merca a pone pa lanta sancion y sigui cu fase dos ta den disputa door di CITGO

325
0
SHARE
- Advertisement -

Wever-Croes: Abogadonan y conseheronan cu reunion dialuna atardi

ORANJESTAD (AAN): “Pa loke ta e refineria, lamentablemente  e situacion ta sigui bay di mal pa peor. Mas hende a wordo retira”, Minister Presidente Evelyn Wever-Croes a duna di conoce den conferencia di prensa.

E refineria aworaki ta purba di wanta cu e capacidad minimal pa por mantene orden, seguridad, etc, pero ningun accion mes ta tuma lugar eynan.

“Danki na un intervencion cu nos a haci cu autoridadnan mericano, nos a haya loke nos ta yama e ‘general license 7A’, cu autoridad mericano a otorga dos siman pasa caba, caminda nan ta declara den e ‘general license’ aki cu pa loke ta trata e refineria na Aruba, e ta duna e ora e espacio cu e refineria lo por lanta e placa cu ta blokia aworaki, pasobra e fondonan pa e fase dos (…) e fondonan ya caba cu tabata tin pa e fase dos a wordo blokia. A wordo frozen door di e ultimo sancionnan”.

Aworaki cu e licencia general cu a wordo otorga 14 di Maart, tin posibilidad pa lante, pero bao di condicionnan y e condicionnan ey ta den disputa door di CITGO pasobra nan no kier cumpli cu e condicionnan, Wever – Croes a remarca.

E Office of Foreign Assets Control (OFAC) a confirma gobierno cu e ‘general license 7A’ aki ta skirbi pa Aruba por continua cu fase dos manera cu a pidi y aworaki esaki ta den man di abogado pa mira con ta haci pa CITGO sintie cu e confortabilidad pa manda e placa y e placa por yega pa e fase dos por keda cla.

E placa aki no por yega na man di PDVSA, na man di CITGO ni di ningun persona cu lo por ta menciona den e sancion, e mandatario a indica.

El a agrega cu esaki ta andando y cu dialuina tardi un ‘conference call’  lo a tuma lugar cu tur e abogadonan, di banda di CITGO, OFAC y di Aruba cu su conseheronan y pa wak si ta yega na cualkier cambio.

Si tin cualkier cambio, specialmente pa loke ta e situacion di Venezuela como tambe e situacion di CITGO, Gobierno lo informa di esaki mesora, Evelyn Wever-Croes  a manifesta.

 

- Advertisement -

DUNA COMENTARIO

Please enter your comment!
Please enter your name here