Home Enseñanza Container cu yen di material didactico di Hulanda yegando Aruba dia 16...

Container cu yen di material didactico di Hulanda yegando Aruba dia 16 di Maart

78
0
SHARE
- Advertisement -

Acuerdo di cooperacion cu Hulanda y Stichting di Corsow:

ORANJESTAD (AAN) – Minister di Enseñanza dhr. Rudy Lampe, a duna di conoce den conferencia di prensa, Diahuebs, cu tin un acuerdo nobo, tambe di indole internacional pa loke ta enseñanza, y esaki ta encera cu cu den e dianan aki ta kedando realiza un acuerdo di cooperacion conhunto, entre e Stichting “Healthy School Kinderen” di Corsow, Aruba y boluntarionan di Hulanda.

E mandatario a anuncia cu ta na punto di yega na waf di Aruba, pues ta programa pa dia 16 di Maart, un container yen cu material didactico, di segundo man pero den bon condicion y cu lo bay beneficia nos scolnan. Esaki ta un di e prome containernan cu lo yega Aruba den e forma di cooperacion entre Aruba, Corsow y Hulanda.

E dignatario a subraya cu esaki ta un cooperacion cu ya ta ora pa existi entre e Islanan despues cu Corsow tambe a haya su Status Aparte, y cu mirando e situacion economico-financiero cu nos pais ta confronta e cooperacionnan aki ta esencial y necesario.

Minister Lampe a indica cu e tipo di cooperacion aki lo sigui. Hulanda ta dispone di hopi material didactico cu sigur lo ta na beneficio di nos alumnonan y cu e yegada di e container manera a menciona, lo haci e curazon di nos enseñanza contento.

- Advertisement -

DUNA COMENTARIO

Please enter your comment!
Please enter your name here