Home Gobierno Contrato pa reintroduci radar pa KPA a keda firma

Contrato pa reintroduci radar pa KPA a keda firma

43
0
SHARE
- Advertisement -

ORANJESTAD (AAN) – Diahuebs mainta a tuma lugar den conferencia di prensa di gobierno, e firmamento di e contrato di radar pa KPA.

Minister di Husticia, mr. Andin Bikker, Minister Otmar Oduber, como titular di medio ambiente, Prome Minister mr. Evelyn Wever-Croes y e representante di e compania di radar di Noruega, cu cual a firma e contrato.

Tabata presente vicepresidente di Staten sr. Alan Howell, Procurador General, Hefe di Cuerpo Policial, e miembro di management team di Warda Nos Costa sra. Trudy Hassel, sr. Mark Oduber.

Minister Bikker a expresa cu Aruba ta bibando otro momento historico cu un rosea nobo, y a splica cu manera ta conoci den e presupuesto 2019 un di e plannan concreto cu gobierno a pone su dilanti, ta optimaliza e seguridad den nos fronteranan, door di reintroduci e radar pa KPA. Pa logra esaki a bay den diferente proceso y un di nan ta “Request for expressions of interes” y “Request for information” y den e cuadro aki a instala un comision pa duna recomendacion, y e comision aki cu a presenta esaki na Conseho di Minister  pa tuma un decision.

E mandatario a splica cu e compania di Noruega ta specializa cu amplio experiencia, y nan tabata tin e mihor propuesta pa Aruba.

Gobierno a scoge e concepto aki di radar pa su calidad di deteccion y cu e lo wordo implementa hopi lihe. Ademas e radar aki ta accesible na otro instancianan manera Douane, Guardacosta y Warda Nos Costa, pa nan tambe tin bista riba e entrada.

E radar aki tin un dimension adicional cu e ta detecta précis na lama, den cada ola, si derame di azeta por ta biniendo den direccion di Aruba.

E persona cu ta bay monitor ta hayando entrenamento. Fuera di esey den e aspecto financiero e ta cuadra cu e presupuesto.

Minister Bikker a gradici Vicepresidente di Staten sr. Howell, Parlamentario Rocco Tjon di fraccion di MEP pa nan esfuerzo den e proceso pa adkiri e radar y na tur parlamentario cu ta sostene gobierno. Y tambe a gradici Minister Presidente mr. Evelyn Wever-Croes.

 

- Advertisement -

DUNA COMENTARIO

Please enter your comment!
Please enter your name here