Home General Creacion di un ruta maritimo ta importante pa desaroyo di comercio entre...

Creacion di un ruta maritimo ta importante pa desaroyo di comercio entre Aruba y Republica Dominicana

39
0
SHARE
- Advertisement -

HUB Santo Domingo

ORANJESTAD (AAN): Un grupo di 20 empresario di Aruba cu a participa den e HUB Santo Domingo, cual a wordo celebra di dia 5 pa 8 di maart ultimo, den e Salon de Convencionnan di e Ministerio di

Relacionnan Exterior (Mired), a mustra un interes grandi pa e compra materialnan di construccion, y articulonan di hardware, cual ta representa un oportunidad di negoshi pa varios empresa Dominicano, segun e responsabel comercial di Republica Dominicana na Aruba, Edward McCollum Sanlley.

E participacion di e empresarionan Arubano motiva pa McCollum Sanlley despues di a realisa un

investigacion di mercado unda cu a keda determina cu varios producto Dominicano por wordo comercialisa ariba e isla, mustrando un gran interes den e areanan di construccion, industria y fabricacion.

Mas leu, McCollum Sanlley a bisa cu basa ariba e interes di empresarionan Arubano pa haci negoshi cu companianan Dominicano, el a bisa cu esaki lo por representa e exportacion di casi 50 container pa aña.

El a señala cu Republica Dominicana tin un gran potencial comercial, pa cual lo no por laga exportacion pa Aruba den man di otro paisnan.

El a indica tambe cu loke ta stroba e desaroyo di comercio cu Aruba ta principalmente e falta di un ruta maritimo, unda cu el a splica cu lo inclui Corsou tambe den e ruta, cual lo haci e comercio di Republica Dominicana cu islanan di Caribe hopi mas probechoso.

McCollum a aprecia cu presidente Danilo Medina a declara cu na 2019 como aña di innovacion y competitividad, cu ta nifica cu tin cu pone den practica tur informacion cu tin pa logra bende productonan Dominicano ariba mercado internacional.

El a resalta tambe cu ta danki na su esfuersonan cu a logra trece 20 comerciante di e 23 nan cu a registra pa e HUB Camara Santo Domingo.

A garantisa cu lo follow up cu e companianan cu a participa den e HUB y cu a bishita Gerdau Metaldom, Cury Industrial y Marmotech Dominicana, den tres luna pa tin un canal maritimo habri, unda cu lo por exporta 50 container pa aña, cu solamente e grupo chikito aki.

E representante comercial di Republica Dominicana a bisa cu e obhetivo ta pa e 50 containernan aki bira un movemento semanal pa Aruba.

El a precisa cu e door di a establece un canal di comunicacion cu prensa, esaki a permiti pa maneha e informacionnan comercial na un miho manera y e yamada na comerciantenan Dominicano y di Aruba pa atrae nan interes pa productonan Dominicano.

McCollum Sanlley a enfatisa cu tur loke ta cooperacion pa crea un liña comercial, sostenibel y firme entre Aruba, República Dominicana y Corsou, ta algo cu mester wordo ricibi cu e apoyo di un y tur, ya cu esaki lo ta na beneficio na tur e productornan agricola.

El a sigui splica cu e exportacionnan Dominicano pa Aruba a bin ta creciendo, superando 11 biyon dollar na 2008 y segun su perspectiva e ta spera cu den menos di 5 aña e pais lo ta exportando no menos di 25 biyon dollar.

McCollum Sanlley ta sigura cu esaki lo ta posibel ya cu lo bin un aceleracion di exportacion, debi

cu e pais ya caba tin un gran produccion di fruta y berdura sigura.

No obstante, segun McCollum pa competi e paisnan mester tin su mesun barconan, pa cual. el a haci un yamada na empresarionan pa nan spierta y a motiva nan pa inverti den e negoshi.

El a pidi pa esunnan cu haci comercio cu Aruba pa nan tuma contacto cun’e, ya cu esaki ta su obligacion como responsabel comercial di e pais. El a agrega e manera di habri porta na su productonan y cu ademas yuda na mehora su presentacion.

Finalmente, e representante comercial di Republica Dominicana na Aruba, a bisa cu pa e Feria Agroindustrial pa celebra na mei proximo cu ya tin participacion di cerca di 15 empresario den e

area di alimento proceso, fruta y berdura.

 

- Advertisement -

DUNA COMENTARIO

Please enter your comment!
Please enter your name here