Home Gobierno Cuerpo Policial so ta e instancia oficial cu tin autoridad pa actua...

Cuerpo Policial so ta e instancia oficial cu tin autoridad pa actua contra taxinan pirata cu tin A-nummer

54
0
SHARE
- Advertisement -

Minister Chris Romero

ORANJESTAD (AAN):  Minister di Transporte, Chris Romero, a splica kico transporte ta encera, unda cu segun e ordenansa general di transporte publico, esaki ta transportacion di personanan door di un vehiculo cu tin permiso di minister encarga cu transporte, cu otro palabra, contra pago di punto A pa punto B.

Y e vehiculonan aki tambe mester tin seguro di pasahero. Kiermen, e vehiculonan cu plachi di number cu ta cuminsa cu TX, T, O, B y otro vehiculonan manera V, MRV, eseynan ta cay bou di transporte publico.

Den otro palabra, ministernan di transporte a duna vergunning pa cu esaki, esakinan ta vehiculonan cu e mandatario y DTP tin responsabilidad di controla esaki.

E fenomeno di taxinan pirata ta autonan A. Esey ta haci hopi dificil cu departamento di transporte publico, of por bisa cu e no tin e manera legal pa haci esaki, pasobra cu esey no ta haci bou di transporte publico, pero bou di husticia.

Si e minister di Husticia ta na altura, unda cu nan ta bezig cun’e, unda nan ta duna informacion adicional, etc. Loke si ta trata Autobusnan B, cu ta haciendo esaki, a ricibi cierto pruebanan, pero tambe ta bezig ta revisando e ley, kico ta e accionnan por tuma segun ley pa cu esaki.

Den e fase ey ta, unda cu huristanan ta kibrando cabes, pasando door di e ley completamente, pa wak kico ta e stapnan cu ta wordo tuma. Esey no por wordo tolera, tur hende mester ta responsabel den nan trabao.

Tur hende cuminsa carga nan responsabilidad manera mester ta cu ta hinca den nan vergunning. Esey departamento di transporte publico (DTP) ta bezig cun’e, pa tuma accion debido.

Pero taxi pirata ta cay bou di e maneho di minister di Husticia, cu ta bezig cun’e. Tur esunnan cu tin e vergunningnan cu a wordo otorga pa e minister di Transporte, contra pago for di A na B, esaki ta e manera cu e mester ta. Esunnan cu ta haci’e asina, ta ilegal, es decir e taxinan pirata.

Pa loke ta e nummerplaatnan A, Cuerpo Policial ta e unico instancia oficial cu tin e autoridad pa actua contra e ilegalidad aki.

Segun e mandatario, ni cu e ambtenaar cu tin e BOA opleiding, e por actua contra di e taxi pirata. Taxi pirata cu A-nummer, ta Cuerpo Policial so ta e instancia oficial cu tin e autoridad pa actua contra di nan.

Pero DTP, kico nan ta controla, ta e vehiculonan cu tin vergunning, cu a wordo otorga, of e TX, T, O, B pero tambe MRV y tambe V, ta esunnan cu por wordo controla pa Cuerpo Policial.

Minister Bikker tin un grupo pa sali actua contra di esaki y want’e mas cu por. Taxi pirata, e ta un fenomeno mundial y e ta keda dificil.

Segun Romero,  mester actua pa minimalisa esaki. Esunnan cu ta haci transporte ilegal, mester corda cu e pasaheronan aki no ta sigura, cu si algo pasa, e ta trece mas problema for di diferente instancia.

Pero ta Cuerpo Policial ta e unico instancia oficial cu tin e autoridad pa actua contra di esaki. Ni esunnan cu tin BOA -opleiding na DTP no por actua contra di nan.

 

 

- Advertisement -

DUNA COMENTARIO

Please enter your comment!
Please enter your name here