Home General Cultura Hulandes no por wordo implanta na Bonaire y kisas esey por...

Cultura Hulandes no por wordo implanta na Bonaire y kisas esey por trece poco frustracion

35
0
SHARE
- Advertisement -

James Kroon, lider di partido Union Patriotiko Boneriano:

ORANJESTAD (AAN):  Bonaire for di 2010 ta forma parti di Hulanda y na 2018 a firma un acuerdo di gobernacion, riba 11 punto.

Locual cu Union Patriotiko Boneriano ta promove, ta cu lo mester bin den e proximo cuater añanan, diferente punto cu a wordo acorda cu Hulanda, pa asina sigui traha pa bienestar di pueblo di gobierno.

Sr. James Kroon, lider di partido Union Patriotiko Boneriano (UPB)  ta amplia mas ariba su vision pa Bonaire.

 

DESCONTENTO

Por sinti hopi descontento na Bonaire, pero segun Sr. Kroon, tur cos nobo tin su ‘kinderziektes’, pero poco poco ta mehorando. UPB lo sigui desaroya e locualnan cu tin pa Bonaire, pasobra cu e distancia entre Bonaire y Hulanda, e cultura Hulandes no por wordo implanta na Bonaire, y kisas esey por trece poco frustracion.

Pero mester sigui desaroya e sistema, y esaki poco poco e pueblo lo Bonaire lo compronde, cu locual ta pasando ta pa miho.

TRANKILIDAD

Pa loke ta e trankilidad y alegria di e pueblo Bonaire, na 2015 tempo cu UPB y Partido Demokraat tabata den gobierno, eynan cosnan a cuminsa pusha un tiki. Y despues, durante e añanan cu a sigui, MPB a bin na mando pa 5 luna, despues a bolbe tolera 7 luna. Siguientemente gobierno a cay, y UPB mester a drenta pa asina por atende e parti aki.

VISION

Turismo na Bonaire ta creciendo, y UPB su vision ta sigui desaroya turismo. E parti di construccion a bira mucho mas tanto cu 2 aña pasa y esaki ta indica cu Bonaire ta creciendo tambe den habitante.

Den caso cu UPB haya mandato, nan lo sigui desaroya e acuerdo di gobernacion, nan lo zorg di crea mas cupo di trabao, pa e progreso di e isla aki.

 

- Advertisement -

DUNA COMENTARIO

Please enter your comment!
Please enter your name here