Home Labor DAO ta pidi cooperacion pa realiza Encuesta riba  Hobennan

DAO ta pidi cooperacion pa realiza Encuesta riba  Hobennan

36
0
SHARE
- Advertisement -

ORANJESTAD  (AAN): Diahuebs na Departamento di Labor y Investigacion (DAO), a tuma lugar un conferencia di prensa, unda cu Yvonne Lee Perez a anuncia cu den luna di Februari a cuminza caba y e luna aki ta sigui cu e prome encuesta di DAO, dirigi riba e transicion di Estudio-pa-Empleo, cu lo hiba e nomber di ‘School to Work Transition Survey of SWTS 2019’.

E SWTS 2019 tin como meta, genera informacion relevante y actual tocante e situacion y participacion di nos hobennan entre 15 pa 29 aña den e mercado laboral, y tambe ilustra e dificultad nan cu por presenta ora e hobennan aki ta subi nos mercado laboral despues di a caba nan estudio.

Perez a bisa tambe cu ta prome biaha cu e investigacion aki ta wordo hasi na Aruba.

“E no ta un investigacion cu nos a diseña completamente, pero e ta un investigacion cu International Labor Organization (ILO) ta propone pa realiza, pa ta e transicion di nos hobennan y nos hoben-adultonan”.

“E investigacion ta un instrumento mas pa nos haya mas dato riba nos hobennan, pa asina nos duna mas informacion pa formula manehonan mas dirigi, cu efectonan mas directo”.

“Mirando cu Gobierno tin e framework di ‘Sustainable Goals’ cu su 17 metanan como e linea di guia den su maneho, specialmente meta nr. 8 cu ta ‘decent work and economic growth’ y ta toca e parti di labor, DAO tambe ta tene su mes na e linea di guia aki y ta desea pa sigui traha manehonan a base di cifranan y informacion”.

“Pa realiza esaki y tin datonan riba e hobennan, nos mester hasi investigacionnan manera esaki”, segun Perez, kende a sigui bisa cu DAO tin datonan caba di e grupo aki.

El a indica cu DAO tin datonan di e grupo di hoben entre 15 cu 24 aña y cu hopi biaha hende ta puntra cuanto e desempleo ta bao di hobennan.

Segun Perez, den e ultimo añanan, e desempleo bao di hobennan ta 19%.

El a trece dilanti cu, 10% di e hobennan entre 15 cu 24 aña ta forma parti di e forza laboral di Aruba, pa loke ta 2015, 2016 y 2017.

E nivel di educacion bao di e hobennan tambe a wordo investiga, unda cu bo ta wak por ehempel cu e grupo cu a caba un estudio di HBO of mas halto, ta hopi chikito.

Perez a splica tambe cu e encuesta ta bay ta dos investigacion separa.

Uno ta wordo guia pa companianan riba e mercado laboral, unda cu DAO a pidi companianan pa yena un lista di pregunta, pa DAO haya sa con nan experiencia cu e hobennan  di 15 pa 29 aña cu ta trahando cu nan, ta.

DAO a pidi tambe algun recomendacion cu nan por duna.

 

- Advertisement -

DUNA COMENTARIO

Please enter your comment!
Please enter your name here