Home General DOW a implementa un maneho estricto, pa pone e contratistanan chikito cumpli...

DOW a implementa un maneho estricto, pa pone e contratistanan chikito cumpli cu nan obligacionnan

38
0
SHARE
- Advertisement -

Marlon Croes:

ORANJESTAD  (AAN): Diahuebs durante un conferencia di prensa, director di DOW Marlon Croes a papia riba e hecho cu e compania den pasado y actualmente ta trahando cu contratistanan chikito pa hasi diferente trabao pa DOW riba caya.

E trabaonan ta inclui corta yerba banda di caminda, hasi limpieza aki aya y cuida facilidadnan manera school y atraccionnan.

“Nos tin tambe cierto teamnan cu ta traha den mantencion di e rooinan, canalnan di awa y riba e parti di asfalt”.

“Tres pa Cuater aña pasa nos a firma un contrato nobo di 5 aña y den e acuerdo tin diferente punto di mehoracion”.

Esaki segun Croes, kende a indica cu den e contrato aki tin stipula cu cada tres luna e contratistanan tin cu entrega nan documentonan di prueba cu nan a paga e asina yama sociale lasten manera AZV, AOV y salario di e empleadonan.

“Nos no a hasi un control riguroso riba dje, pero nos a sali for di e punto di bista di ‘good governance’ di cada entidad, pues pa nan cumpli cu esaki”.

“Sinembargo, esaki no a sosode y nos a ripara cu den ultimo añanan hopi di e contratistanan aki a haya ponemento di beslag riba nan di mey miyon te cu 1 miyon florin, cu ta manca un compania asina”.

“Nos a haya kehonan tambe di e empleadonan di e contratostanan, cu nan no a wordo paga conforme e normanan di ley”.

Esaki segun Croes, kende a indica cu e empleadonan door di esaki a bay DOW pa busca un solucion.

“Den e proceso ey como organizacion DOW nos no por mete den e operacion di e contratistanan aki, pero locual nos a hasi ta ehecuta e contrato cu nos tin firma cu nan, esta cu nan tin cu entrega nan documentonan mensualmente”.

“Na October aña pasa nos a publica esakinan y nos a duna nan te cu fin di December 2018 pa cumpli cu esaki”.

“Lamentablemente no ta tur a cumpli cu esaki y nos a extende e periodo te cu Januari 2019”.

“Mas hende a cumpli y un biaha mas nos a extende e periodo te cu fin di Februari”.

Esaki segun e director di DOW, kende a indica cu fin di Februari/comienzo di Maart a tuma nota cu 25% ainda tabata falta pa cumpli cu e exigencianan, mientras cu 75% a cumpli.

“E ora ey pa mehora tur cos nos a introduci e maneho di ‘No Work No Pay”.

“Te ora cu bo cumpli cu tur cos, e ora ey bo ta haya bo trabao bek pa bo haya bo pagonan”.

“Te cu awe mainta, tabata tin menos cu 10% cu no a cumpli ainda, pues e cifra ta bahando”, segun Croes, kende a sigui bisa cu tur hende tin cu cumpli cu nan obligacionnan y e obligacionnan cu nan tin cu nan empleadonan.

“E maneho estricto implementa pa DOW ta pa proteha e contratistanan chikito, e empleadonan y nos mes tambe como organizacion”, segun e director.

 

- Advertisement -

DUNA COMENTARIO

Please enter your comment!
Please enter your name here