Home General DOW ta duna splicacion di maneho riba tent, podium y baricada

DOW ta duna splicacion di maneho riba tent, podium y baricada

33
0
SHARE
- Advertisement -

ORANJESTAD (AAN): DOW algun tempo atras a duna un splicacion riba e maneho di tent cu  ministerio Infrastructura ta hiba, pero segun director di e compania, ainda e informacion no a yega na tur hende.

Pesey durante un conferencia di prensa Diahuebs, director Marlon Croes a trece puntonan importante di e maneho pa dilanti un biaha mas.

El a splica cu tur peticion pa tent, podium  y baricada entre otro, mester wordo entrega na DOW.

“Awor nos a palabra cu e ministerio cu tur peticion ta pasa via DOW”.

“Si bo tin un peticion pa tent, podium of baricada, no mande pa ministerio di Infrastructura, sino pa DOW”, segun Croes.

El a indica cu e peticion mester wordo entrega 10 dia prome cu e evento, pasobra si bo entrega por ehempel un peticion Diabierna pa un evento di Diasabra, e gastonan di overtime di DOW ta aumenta, pa por dunabo e servicio.

Si nan haya e peticion 10 dia prome, tur cos ta cana na un mihor manera.

“E peticion cu drenta prome lo wordo atendi cune prome, mientras cu peticionnan pa eventonan di Gobierno tin prioridad riba eventonan di otronan”.

Esaki segun e director di DOW, kende a sigui bisa cu pa hasi un peticion bo mester yena un formulario cu bo por haya na DOW, of bo por download e via e pagina di Facebook di e compania.

Prome cu tur cos keda cla, esun cu hasi e peticion mester hasi pago di un deposito prome na DOW.

DOW por transporta pabo locual bo tin mester di dje, pero nan lo calcula gastonan pa cobrabo.

“Pa un tent comercial bo tin cu paga 100 florin, pa huur di cada dos dia”.

“E suma di borg cu tin cu paga pa esaki ta 100 florin pa cada tent”.

“Tentnan no comercial manera pa un instancia caritativo, ta costa 80 florin pa 2 dia, mientras cu e borg pa cada tent ta keda 100 florin”, segun Croes, kende a splica cu un podium ta costa 58 florin pa cada dos dia, mientras cu e suma di borg ta 100 florin.

Pa baricada mester paga 4 florin pa pida palo, mientras cu pa cada stand ta paga tambe 4 florin.

Esaki ta pa cada dos dia, mientras cu e borg ta 25 florin.

Pa entiero pa dos dia ta gratis, mientras cu pa fundacionnan no comercial, lo evalua cuanto lo cobra.

 

 

- Advertisement -

DUNA COMENTARIO

Please enter your comment!
Please enter your name here