Home General DOW ta sigui traha riba e problema di awa di riool  cu...

DOW ta sigui traha riba e problema di awa di riool  cu ta bay riba caminda dilanti hotel grandi

24
0
SHARE
- Advertisement -

Debi cu ta benta vet di cushina y e gemal ta pega:

ORANJESTAD (AAN) — Dia 12 di Februari, pa 6 or y 20, DOW a ricibi melding di KPA, cu ta e instancia oficial pa haci esaki via e piketdienst, cu tin awa di riool riba caminda, dilanti di RIU.

Di biaha DOW a manda tecniconan pa cu e gemal dilanti di RIU. Sr. Frank Benita, Hefe di Riooldienst di DOW a duna e siguiente relato y e ta comenta cu ta un situacion cu keto bay ta sigui ripiti.

DOW ta manda su tecnico pa e sitio y esaki ta bin haya awa di riool ariba caminda. Den un investigacion den e gemal a bin haya sushi pega na e sensor. Esaki a wordo haci limpi y ya pa 7 or y 30,  e gemal tabata den funcion caba. Tambe a manda trucknan pa asina haci e awa limpi riba caminda. Y for di 7 or te cu 1 or di marduga a bin keda cla cu esaki.

A bin ta ripara esaki frecuentemente, unda cu vet a bolbe pega e gemal, y awa a bolbe subi caminda. Esaki ta algo cu ta biniendo for di basta tempo caba, no ta di awo, ta pa algun aña caba.

Ta purbando na educa y concientiza e hotel y restaurantnan cu e riool no ta pa tira vet den dje, y tampoco paña. Esaki ta causa cu awa ta bay over y e mal holo ta bin riba caminda, y mal bista ariba e turistanan.

REMEDIA SITUACION

Riba e pregunta kico DOW lo bay haci pa cu e situacion aki, señor Benita a splica cu nan no por haci nada, ya cu nos leynan ta hopi anticua. Por cuminza na mehora nos leynan pa cu esaki. Y otro, ta haci opsporing y e ora ey, pone e compania cu a haci e acto aki responsable. Pero e ta tuma su tempo. E ta un poco dificil, ya cu e ta un sistema di riool, dilanti hotelnan grandi. Pero DOW tin proyectonan den planning pa mehora e sistema y nan tin mantencion den nan gemalnan, tur siman, pa por evita esaki. Tambe DOW kier bay mehora nan sistema di alarma pa e tempo di accion ta mas cortico posibel.

CONTROL

Pa loke ta control, algun aña pasa, DOW hunto cu otro departamentonan a haci esaki. Nan tin un registro di hotel- y restaurantnan cu tin vettrap, pero ta algo cu lo mester bay haci mas regularmente, pa nan por ta consciente cu nan mester por tin esaki den bon estado. Pero esaki tin su gastonan cun’e, ya cu e ta wordo haci despues di oranan di trabao, y tambe pa controla e daño ecologico na e planta, segun Sr. Frank Benita, di DOW.

- Advertisement -

DUNA COMENTARIO

Please enter your comment!
Please enter your name here