Home General Eliminacion di e ‘minimumbezetting’ na aeropuerto tabata un decision iresponsabel

Eliminacion di e ‘minimumbezetting’ na aeropuerto tabata un decision iresponsabel

77
0
SHARE
- Advertisement -

Eduard Maduro di SADA: Tin algo cu sigur no ta bayendo bon na airport

ORANJESTAD (AAN): Relaciona cu e ultimo desaroyonan na aeropuerto, Eduard Maduro di Sindicato SADA a bisa cu cualkier cambio cu haci den e ‘arrival hall’ esey no lo trece ningun diferencia.

El a bisa cu vuelo ta keda yega yen y esey no lo bay cambia. Pero pa loke ta e parti di personal unda cu aña pasa tabata tin e problematica na Augustus y a mustra cu tabata iresponsabel pa elimina e ‘minimumbezetting’ cu nan tabata traha cun’e pa decadanan caba na aeropuerto y zomaar a bin elimina esaki.

Envez di tin 9 hende trahando tin 3 pa 4 hende. Den nan concepto, esaki tabata un decision ‘ad-hoc’, un decision iresponsabel. Esey no a cambia ainda despues di 7 luna. E ta mescos, Maduro a remarca.

Mas y mas nan ta haya razon den e sentido cu constantemente ta haya e criticanan cu no tin hende pa traha. Pasaheronan ta keda tranca pasobra ora un ambtenaar bay haci control, caos ta surgi pasobra no tin hende pa traha, a bisa.

Ta comienzo di Maart y ainda no a yama pa un reunion pa ‘toets’ con e decision cu a wordo tuma aña pasa a resulta. Aña pasa e minister a pidi pa “laga e baby cuminza cana pa asina nos wak con e ta bay. Dos, tres luna despues cu e decision a wordo tuma ya caba nos a wak cu e caos cu nos a premira lo bay bin, a bin”.

Eduard Maduro ta lamenta cu te awor na Maart no a yama un reunion pa evalua e sistema nobo aki. No tin control y si no tin control no tin ingreso den caha di gobierno. Esey no ta kita afo cu cosnan cu por ta ilegal lo por drenta debi na e ‘handicap’ cu personal.

Na comienzo di aña tabata tin un reunion cu e director unda a pidi pa wak e cifranan di ingreso den e lunanan di augustus pa december 2018 y pa compara nan cu e mesun periodo di 2017.

Segun Maduro, e director a bisa cu esey no ta nan competencia y cu no tin nada di bay wak cifranan di management. “Eynan bo ta wak cu tin algo cu no a bay bon”, a expresa.

El a agrega cu no mester tin miedo di pone e cifranan di entrada ariba mesa pa por compara 2017 cu 2018.

Maduro a finaliza bisando cu tin algo cu sigur no ta bayendo bon.

- Advertisement -

DUNA COMENTARIO

Please enter your comment!
Please enter your name here