Home Parlamento Endy Croes ta reacciona riba ex-premier Mike Eman pa mustre kico ta...

Endy Croes ta reacciona riba ex-premier Mike Eman pa mustre kico ta “Kiezersbedrog”

228
0
SHARE
- Advertisement -

ORANJESTAD (AAN): Parlamentario Endy Croes, di fraccion di MEP, den conferencia di prensa Diaranzon mainta,  a reacciona mesora tocante un declaracion di ex-Minister Presidente mr. Mike Eman, Diamars anochi, den Cas di Partido unda cu el a grita cu edad di pension ta subiendo. Endy Croes a lanza e pregunta den direccion di Eman “ta ken a subie di 60 pa 65 aña?”

Cu un documento den man el a señala e plan di AVP, refiriendo na pagina 20. Esaki pasobra Eman ta tilda e gobierno aki di “Kiezersbedrog”, y e kier a mustra kico esaki kiermen.

Eynan ta bisa cu e plan di AVP ta mantene e edad di pension na 60 aña pero el a gaña pueblo y hechonan ta prueba esaki.

Otro ehemplo “kiezersbedrog{, segun e parlamentario, ora e ta bisa (den e documento) cu e debe nacional total di e pais, bao di Gabinete Oduber a crece na final di 2008,  na 1.2 billion florin, segun e plan di AVP, pero e rapport di Banco Central di 2017 AVP a surpass esaki na 4.2 billion locual a casi triplifica locual Mike Eman mes a presenta.

Mas abao, segun Croes, e plan ta bisa cu esaki ta un amenaza contra e credibilidad den e solvencia di Pais Aruba pasobra e interes anual riba e debe aki, a yega na 2009 caba, na un suma di 100 miyon florin.

Endy Croes a splica cu aña pasa e Gobierno actual a paga 219 miyon solamente na interes. Kiermen AVP ta papia un cos y haci otro.

Den e programa di AVP nan a priminti pa haci Aruba sigur atrobe. Pero e prome decision cu nan a tuma, segun Endy Croes, ta kibra e contrato cu helicopter, destrui e radarnan, y a laga un Aruba fuera di control den e parti di seguridad.

Pues, mester keda pendiente pasobra e Minister tin e deseo cu prome cu 18 di Maart wak e helicopter bula riba Aruba y Diabierna kizas lo haya e bunita noticia aki, y keda pendiente di e radar  cu ya caba a firma un MOU pa esaki tambe ta den proceso, y pronto Aruba tin su radar bek.

Tambe e parlamentario ta cuestiona sr. Eman pasobra den su plan el a bisa cu lo stop cu nombramento di personal, no obstante el a nombra 400 coordinador di cual 147 den su despacho so. Esaki a costa nos pais mas di 50 miyon florin. Pero el a campaña algo otro, y esey ta “kiezersbedrag”.

Otro punto cu sr. Eman a menciona den su plan, ta bahamento di gastonan di operacion. Aki Croes a bolbe reitera riba e gastonan den Tera Group, 24 ora.com y PAXi, cu ta tres compania so, cu gobierno anterior a strica 6.5 miyon florin, pa gaña e pueblo aki.

- Advertisement -

DUNA COMENTARIO

Please enter your comment!
Please enter your name here