Home Impuesto Entrante 1 di april por pasa busca e pakete di winstbelasting 2018...

Entrante 1 di april por pasa busca e pakete di winstbelasting 2018 na Departamento di Impuesto

19
0
SHARE
- Advertisement -

E pakete ta contene e formularionan di declaracion.

ORANJESTAD (AAN) – Entrante 1 di april e clientenan di winstbelasting por pasa busca nan pakete di winstbelasting na Departamento di Impuesto.

E paketenan ta contene e formularionan di declaracion di aña 2018, esta un formulario di declaracion provisional (voorlopige aangifte) y un formulario di declaracion definitivo (definitieve aangifte).

Departamento di Impuesto lo otorga e paketenan solamente den e periodo di 1 te cu 5 di april. Despues di e fecha aki lo manda e paketenan via post.

Na unda por busca e pakete?

    Por busca e pakete na e edificio anexo di Departamento di Impuesto na Camacuri (drenta na porta number 4). E orario di servicio ta: 8:00 am – 4:00 pm non-stop.

Ta recomendabel pa trece e persoonsnummer di e empresa pa asina e proceso di otorgamento por bay mas lihe.

Procedura pa otorgamento di pakete na un consehero

     Te cu dia 26 di maart 2019 e conseheronan por manda un peticion via e-mail hunto cu e lista di su clientenan na pakket@impuesto.aw. Pa e lista di cliente ta recomendabel pa uza e MS Excel-file ‘Template klantenlijst WB-aangifte’. Por baha e file aki for e pagina principal di www.impuesto.aw.

Departamento di Impuesto lo avisa e consehero via e-mail ki dia e por pasa busca e paketenan di su clientenan. Peticionnan cu drenta despues di dia 26 di maart lamentablemente no por wordo procesa mas.

Departamento di Impuesto ta sali for di e punto di bista cu e conseheronan tin e debido apoderacion di nan clientenan. Departamento di Impuesto ta recomenda pa e cliente y su consehero palabra ken ta busca e pakete pa evita cualkier gasto extra y/of incoveniencia.

E clientenan cu no ta desea pa nan consehero busca e pakete pa nan, lo mester avisa su consehero di awor caba. Si despues resulta cu e consehero a busca e pakete, e ora e cliente lo mester acudi cerca su consehero pa e haya su pakete.

- Advertisement -

DUNA COMENTARIO

Please enter your comment!
Please enter your name here