Home Cultura Fabuloso premiere di Ballet Bolshoi & Friends den Cas di Cultura

Fabuloso premiere di Ballet Bolshoi & Friends den Cas di Cultura

127
0
SHARE
- Advertisement -

Dilanti un publico chikito pero hopi entusiasma:

ORANJESTAD (AAN)—Diahuebs anochi tabata tin e premiere di Ballet Bolshoi & Friends den Cas di Cultura, y nan presentacion tabata simplemente fabuloso. Awe tin e di dos y ultimo presentacion, cu por cierto ta prome biaha cu nan ta bin Aruba.

Nan a presenta fragmentonan di diferente obra musical, na un manera extraordinario, cu nan vestuario impecable y na un top nivel di ballet ruso.

E principal bailarin di e Ballet Bolshoi, Alexander  Volchkov a balia cu e prima bailarina di Ballet Mikhailovisiky Ekaterina Borchernko cu a pone e publico lanta para aplaudi.

Ta bon pa comenta cu cada pareha di bailarin riba nan mes ta prome strea di e nan respectivo ballet. Y esey ta notable sigur cada bez cu nan a bin riba escenario.

Lastima cu den e sala di Cas di Cultura hopi asiento mes tabata bashi. Hopi jammer mes, y muy posiblemente un decepcion pa e mesun cuerpo di bailarin cu tabata tin asina hopi spectativa cu Aruba y pa e promotornan cu a trece nan na nos pais.

Pero mester subraya si, cu e publico presente con chikito cu e tabata a disfruta di Bolshoi & Friends, y a sa di aplaudi nan calurosamente, manera nan a merece. Un espectaculo cu di berdad no tabata pa perde.

- Advertisement -

DUNA COMENTARIO

Please enter your comment!
Please enter your name here