Home Politica Forsa Femenino Grace ta organisa encuentro pa hende muher

Forsa Femenino Grace ta organisa encuentro pa hende muher

70
0
SHARE
- Advertisement -

ORANJESTAD (AAN):  En conexion cu Dia Internacional di Hende Muher diabierna 8 di maart, e ala femenino di Partido MEP, Forsa Femenino Grace (FFG) ta organisa un encuentro na Aruba Surfside Marina. Pa varios aña caba, FFG a tuma e encargo pa haci e evento aki cu e meta principal  pa aumenta conscientisacion bou di hende muher.

Hende muher ta ehempel di fortalesa grandi, y ta refleha capacidad pa supera e adversidadnan cu hende muhernan ta enfrenta diaramente. E hende muher ta capas di realisa tur loke cu e propone. Por lo tanto, e rol principal di hende muher no solamente ta funcional sino esencial, primordial y vital pa nos Sociedad. Ta p’sey, riba e anochi aki, lo tin oradornan kendenan lo elabora riba temanan actual cu lo stimula otronan pa sigui dilanti.

E animacion musical pa e anochi un biaha mas ta na encargo di Francis Jacobs kende lo entretene e publico cu canticanan cu lo wordo scogi specialmente pa duna reconocimento na e ser femenino.

Presidente di Forsa Femenino Grace, sra. Yuyu Croes y Partido MEP ta haci un invitacion na tur hende muher y tambe hende homber pa reserva e fecha aki pa disfruta di un otro anochi ameno hunto.

 

- Advertisement -

DUNA COMENTARIO

Please enter your comment!
Please enter your name here