Home General Fundacion Rancho cu e meta di traha un rapport tocante ROP prome...

Fundacion Rancho cu e meta di traha un rapport tocante ROP prome cu 15 di Maart

51
0
SHARE
- Advertisement -

Clifford Rosa tocante Town Hall Meeting:

ORANJESTAD (AAN) – Presidente di Fundacion Rancho, señor Clifford Rosa, den entrevista cu Matutino DIARIO, a duna nos informacion tocante e Town Hall Meeting, cu a tuma lugar cu nan a organiza, pa asina papia tocante e tema di ROP (Ley Desaroyo Teritorial) cu a wordo poni pa inzage den DIP.

E reunion aki a tuma lugar den Centro di Bario Playa Pabao. Clifford Rosa a menciona cu Fundacion Rancho tin añanan largo trahando pa conserva e cultura di Rancho, y tin hopi trabao cu a wordo haci y hopi informacion cu nan a comparti, pero cu den e ley di ROP ta wordo refleha.

E intencion di e reunion tabata pa scucha di otro organizacionnan, GNOs tambe, pa asina nan splica con nan ta atende cu e tema di ROP. V

Clifford Rosa a indica cu despues di ROP ta bin ROPV. E V ta para pa “Voorschriften” cual ta bira un tiki mas structura con e maneho di teritorio lo bira pa Aruba.

El a agrega cu e dos ciudad di Aruba ta Oranjestad y San Nicolas, di cual Oranjestad a wordo nombra como e capital di Aruba, y San Nicolas e Ciudad Cultural, y den esaki tin hopi aspecto cu mester atende. Pero nan ta haya cu den e ROP, Oranjestad tin diferente color y esaki ta nifica cu hopi presion ta bin riba e desaroyo di e area di Oranjestad.

Fundacion Rancho kier pone mas atencion riba esaki, mirando cu ROP a wordo traha basa riba exigencianan di SDG (Sostenible Development Goals) cu ta un metodo cu ta wordo uza den mas di 95 pais, pero e ta rekeri di hopi trabao y locual nos ta mira ta cu loke ta refleha den e rapport, no ta ni mitad di lo cual segun SDG mester tene cuenta cune.

Pues, nos tin hopi pregunta, hopi buraco cu nos ta mira habri y Fundacion Rancho kier agrega algun aspecto pasobra tur e lineanan grandi ta poni, pero falta hopi detaye.

“Eynan nos kier pone toch nos atencion, y wak pa gobierno ricibi for di nos y tene na cuenta esaki tambe”, sr. Clifford Rosa a menciona.

El a agrega cu no ta solamente pa e fundacion sino pa henter Aruba, y nan a tene cuenta cu henter e haven front, y a invita instancianan manera Aruba Port Authority, cu ta hunga un rol hopi importante den e desaroyo. A invita tur e profesionalnan y comerciante cu ta haci uso di Oranjestad, pa nan voznan tambe bin afo.

Sr. Clifford Rosa a declara cu e ta ripara cu na Aruba tin un cultura cu hopi biaha no ta lesa rapport y nan kier encurasha mas hende pa lesa e rapport concerni, pasobra un bez cu 15 di Maart pasa, lo tin diez aña mas pa biba cune y lo no por bisa nada mas e ora ey.

E intencion di e hall town meeting aki ta pa entrega algo prome cu 15 di Maart como representante di e comunidad di Rancho y di Aruba henter, trece nan puntonan dilanti.

Nan tabata tin invitadonan special, manera un persona di fam Rodriguez cu den su profesion sa hopi di ROP, pero cu tambe ta duna apoyo na un fundacion cu ta sostene e aspecto di naturaleza di e area di Seroe Cristal. Tambe a invita sr. Greg Peterson, di Aruba Bird Life Conservation, ken tambe ta hopi activo den nan area y pa ken tambe e tema di ROP ta hopi importante. Ademas Daniela Britt cu ta un profesional cu ta analiza henter e rapport cu a trece su punto di bista dilanti, pa asina cuminza un discusion y wak kico otro miembronan pensa tocante ROP.

- Advertisement -

DUNA COMENTARIO

Please enter your comment!
Please enter your name here