Home General Gobierno, DOW y Serlimar ta firma MOU: Ta pone mas cu 2...

Gobierno, DOW y Serlimar ta firma MOU: Ta pone mas cu 2 miyon florin disponibel pa instala planta moderno pa tratamento di desperdicio

321
0
SHARE
- Advertisement -

ORANJESTAD (AAN):  Diahuebs mainta, Minister di Otmar Oduber conhuntamente cu Director di Departamento di Obranan Publico (DOW) Marlon Croes y Director di Serlimar, Henley Davelaar a firma un “Letter of Intent” pa pone mas di 2 miyon florin disponibel pa instala un sistema moderno di procesamento di desperdicio.

Minister Oduber a duna di conoce cu esaki ta un momento hopi special y historico pa cu un proceso cu a inicia algo mas cu un aña pasa pa asina atende cu maneho di desperdicio na un forma responsabel y den man cu medio ambiente. 

E mandatario a bisa cu for di e fondonan di FDA a resta un suma di 1.8 miyon florin y cu den principio tabata aloca pa atende cu un incinerator pa desperdicionan medico (priknan, organonan di hende, bestianan, etc) .

A tuma un decision aña pasa den Conseho di Minister caminda a haya autorizacion tambe pa yega na un incinerator cu lo atende cu e desperdicionan for di tereno medico, pero a amplia esaki pa atende cu un problema cu tabata tin tanto na DOW como tambe na Serlimar, usando e fondonan cu tin na un forma mas responsabel y mas deficiente.

Oduber a indica cu na DOW, e procesamento pa locual ta resta ora ta trata e awa preto aki na Aruba, e asina yama ‘sludge’,  cu esaki tabata wordo kima den un ‘open burner’ contaminando medio ambiente.

Mescos tabata tuma lugar, den caso di Serlimar, cual tin e responsabilidad di piki bestianan morto ariba caminda of ora tin e desperdicionan di abattoir cual practicamente tabata cende un candela pa kima e bestianan y/of nan desperdicionan of hasta dera nan cu tur e parti anti-higienico cu esey ta nifica.

A analiza esaki y a bay den un destaho cu a tuma lugar fin di aña pasa y cu tin como meta busca un incinerator pa asina bay den un proceso cu ta pa cuida medio ambiente y unda no lo mira mas e huma y e resultadonan di e kimamento cu ta bay habri den aire, Minister Oduber a señala.

 

MAS CU 2 MIYON DISPONIBEL

 

Awor a yega na un acuerdo caminda cu entre Serlimar y DOW a pone fondonan disponibel cu un suma di 1.8 miyon florin, cu fondonan di gobierno cu a resta di FDA y for di Serlimar lo pone un suma di 1.4 miyon florin.

Cu e suma aki lo haya un sistema moderno pa tratamento di desperdicio cu tabata un problema cronico na Aruba y cu den pasado no por a atende cune na un forma responsabel.

Den mas o menos 4  pa 6 luna e planta aki lo ta operacional y lo usa e facilidadnan combina caminda cu Gobierno di Aruba pa medio di e acuerdo aki ta pone e ekipo den beheer di Serlimar. Esaki kiermen cu Serlimar ta bay opera y explota e facilidad aki pa gobierno di Aruba.

Di parti di DOW tambe ta yega na un acuerdo cu Serlimar pa e maneho. E contract a wordo cera pa cu e maneho di e “sludge” aki cu ta bay significa cu lo ta 100% amigabel cu medio ambiente, pero tambe un reduccion substancial (casi 1 miyon florin pa aña) den e costonan cu DOW tabata tin pa por deshaci y maneha e aspecto di “sludge” aki na Aruba.

Riba potret por aprecia e momento ora cu e MOU a wordo firma.

- Advertisement -

DUNA COMENTARIO

Please enter your comment!
Please enter your name here