Home Gobierno Graficonan di e cuentanan nacional ta mustra e discrepancia den cifra entre...

Graficonan di e cuentanan nacional ta mustra e discrepancia den cifra entre CBS y BNA

86
0
SHARE
- Advertisement -

ORANJESTAD (AAN) – Minister di Finanzas mr. Xiomara Ruiz-Maduro, siguiendo cu su presentacion grafico di e Cuentanan Nacional, a splica e punto di e resultado.

El a indica cu e aña base di informacion ta 2013 y di aki bay dilanti pa loke ta trata e aspecto economico.

E dignatario a menciona cu for di e base ey e DGP ta wordo calcula. Kiermen tur loke a wordo produci den nos pais. Aworaki tin e cifranan real di 2013 te 2017.

El a reitera cu pa final di e aña en curso lo tin resultado di aña 2018, y asina lo keda up to date.

Minister di Finanzas a agrega cu tambe por bay traha a base di cuartal. Kiermen cu e informacion ta asina actualiza cu hasta pa cuartal e datonan aki lo por sali.

DGP:

Tambe e mandatario a mustra un bista tocante kico ta e DGP den su aspecto real como nominal unda a haci un coreccion encuanto inflacion.

E informacion ta mustra tambe e crecemento cu e añanan a surti y ta importante tambe pa mira cuanto nos pais ta produci per capita, pasobra aworaki por bisa mundo cu pa 2017 esaki ta 49.051 pa cabes.

Esaki ta informacionnan cu ta wordo uza pa diferente investigacion cu ta tuma lugar localmente pero tambe ta importante na nivel internacional, pa instancianan manera Fitch,    IMF, Standard & Poer, pero tambe den e discusionnan cu gobierno di Aruba tin cu Hulanda door di e supervision cu nos pais tin bao di dje.

Un ehemplo cu e mandatario a duna ta, cu pa hopi tempo Banco Central su stimacion riba DGP ta mas abao cu loke realmente e pais aki ta produci e no tabata por otro tampoco pasobra e banco tambe tabata conta riba e cuentanan nacional aki.

E resultado awo ta indica cu nos DGP ta mas halto. E ta 5.4 billion y no 4.8 billion.

Esaki ta informacion cu tambe ta uza pa loke ta trata e radio di locual ta bira e debe di nos pais. Minister Ruiz-Maduro a duna un bista di e discrepancia cu tin for di basta tempo, mescos cu riba e cifra di crecemento unda tin partinan, por ehemplo na 2015, cu diferencianan hopi grandi. Aworaki cu e ehercicio aki tin e realidad di awe, e mandatario a enfatiza.

 

- Advertisement -

DUNA COMENTARIO

Please enter your comment!
Please enter your name here