Home Turismo y Hoteleria Hilton Hotel a anuncia plannan pa Embassy Suites na Aruba

Hilton Hotel a anuncia plannan pa Embassy Suites na Aruba

1374
0
SHARE
— Impresion artistico di e hotel na Eagle Beach, Aruba.
- Advertisement -

ORANJESTAD (AAN): Riba Diamars merdia, relacionista publico internacional di Hilton, a manda un boletin internacional unda cu nan ta anuncia plan pa un “Embassy Suites by Hilton Hotel” na Aruba.

E boletin procedente di McLean, Virginia na Merca, ta mustra cu Hilton a anuncia plan pa debuta un Embassy Suites upscale y all-suite na Aruba pa 2021, despues di un acuerdo di maneho cu Natura Development II NV.

E ta programa pa habri mey-mey di 2021, e Embassy Suites by Hilton Aruba Resort lo consisti di 330-suite.  E ta bira e di dos Hilton riba e isla, y ta reforza e plannan continuo di expansion den Caribe.

“E firmamento di Embassy Suites by Hilton Aruba Resort ta subraya e dedicacion di Hilton pa expande su portfolio den Caribe,” ta loke Juan Corvinos a bisa, kende ta vice-presidente di desaroyo pa Hilton den Caribe y Latino America.  “Nos ta enfoca riba crecimento continuo den e region y di trece e marcanan lider di e industria pa top destinacionnan manera Aruba.  E Embassy Suites nobo aki dilanti Eagle Beach lo bay ta un complement maraviyoso pa nos existente Hilton Aruba Caribbean Resort & Casino riba Palm Beach, pa extende mas leu nos hospitalidad pa un area nobo di e isla.”

Embassy Suites lo bay ta na Eagle Beach, cu ta un di e top beachnan na mundo.  E ta riba J.E. Irausquin Boulevard dilanti e santonan blanco di Eagle Beach.

E edificio nobo di ocho piso cu 330-suite na Aruba, lo inclui e suitenan conoci di Embassy Suites cu ta espacioso, cu ta bin cu un sala separa, camber priva, y wet bar cu microwave, frigidaire chikito, y coffee maker.  E resort lo tin un espacio di Reunion di como 560 meter cuadra, piscina pafo, fitness center, y casino.  E hotel nobo lo tin un restaurant elegante, bar, y opcion di grab-and-go pa un pasaboca rapido.

“Nos ta ancioso pa traha hunto cu Hilton pa introduci e marca di “Embassy Suites by Hilton” na nos isla bunita di Aruba,” ta loke Fernando Diano a bisa, kende ta representante di e doñonan di Natura Development II NV.  “E localidad di e resort net dilanti Eagle Beach combina cu e amenidadnan di e marca aki, y suite espacioso, lo suministra bishitantenan cu un acomodacion comfortable y upscale den e area hopi pidi aki di Eagle Beach”.

- Advertisement -

DUNA COMENTARIO

Please enter your comment!
Please enter your name here