Home General Historia di San Nicolas lo wordo treci na bida pa medio di...

Historia di San Nicolas lo wordo treci na bida pa medio di un ‘Street Rap Musical’

34
0
SHARE
- Advertisement -

ORANJESTAD (AAN): E aña aki Fundacion CINEARUBA ta bay haci algo diferente, un ‘Street Rap Musical’ unda cu hoben y adulto lo bini hunto pa conta e historia di San Nicolas pa medio di musica di rap. Participantenan hoben lo bini hunto cu nan famianan sea welo of wela kendenan sa e historia di San Nicolas y conhunto nan lo traha riba un presentacion musical uzando rap.

E proyecto aki ta e fundacion su prome proyecto cu ta enfoca riba participantenan di sesenta aña bay ariba. Semper e fundacion a realisa proyectonan pa hobennan, pero e biaha aki kier yega na un grupo mas grandi.

Den e caso aki e proyecto tin su proposito, cu ta pa e grandinan transpasa nan conocemento na e generacion nobo den un forma di herencia inmaterial. San Nicolas tin hopi historia y e grandinan lo percura pa e generacion nobo conoce un poco mas di e historia.

E proyecto ta concentra riba e ciudad di San Nicolas pero tambe personanan di otro ciudad of districto por participa. CINEARUBA kier curasha hobennan di 15 aña bay ariba pa participa cu un famia, sea wela, welo, omo, tanata, tata of mama.

E intencion ta pa crea un ambiente familiar y comunitario, un gran famia. E proyecto ta inicia cu tayernan y no ta rekeri ningun experiencia pa por participa. E tayernan ta cuminsa dia ocho di april y lo tin un duracion di ocho siman.

E tayernan lo ta di dialuna pa diahuebs di 6:00 di atardi pa 9:00 di anochi na Scol di Arte na San Nicolas. E instructornan ta Adriano Nanof y Ginelly na Kaminda. Tur persona lo traha hunto riba un presentacion musical cu lo wordo presenta riba diasabra uno di juni den cayanan di San Nicolas pa publico general.

E proyecto aki ta conta cu apoyo di Fonds voor Cultuurparticipatie, Unoca, Prins Bernhard Cultuurfonds, Cede Aruba y VNO. Pa por participa por yena un formulario online na e pagina web www.cinearuba.com/streetrapmusical. Ultimo dia pa por inscribi ta diasabra seis di april.

- Advertisement -

DUNA COMENTARIO

Please enter your comment!
Please enter your name here