Home Hudicial Homber cu a bati su partner mata condena na 7 aña di...

Homber cu a bati su partner mata condena na 7 aña di prison

223
0
SHARE
- Advertisement -

ORANJESTAD  (AAN) – E homber R.C. acusa di a mata su pareha señora difunto Tromp, ayera a wordo condena igual na e exigencia di Fiscal, esta 7 aña di prison. Den sala di Corte tabata presente yiu di e victima y familiarnan. 

A BATI DAMA MATA

Ayera mainta Hues a dicta sentencia den e caso penal cu Ministerio Publico a cuminsa contra e homber R.C. Algun siman pasa tratamento di e caso a tuma lugar caminda R.C. ta wordo acusa cu riba 5 Augustus 2018 el a bati su pareha señora Tromp asina pisa, cu consecuencia cu señora Tromp a fayece.

Hues a bisa cu e ta haya legalmente proba cu R.C. a maltrata e victima cu consecuencia cu el a muri. Hues ta haya cu tin suficiente pruebanan cu ta mustra cu R.C. ta culpabel.

Hues a rechaza ponencia di abogado cu R.C. no tabatin intension di maltrato severo. Hues a bisa cu e no ta kere esey.

Hues a mustra cu e acusado R.C. mes a declara cu el dal cu hopi forza. Hues ta haya cu R.C. como partner, a dal e victima señora Tromp diferente biaha cu forza den cabez. Esaki a causa cu e victima a bay den coma y fayece.

 

CASTIGO

Hues a bisa cu e lamentable incidente aki a sacudi henter comunidad. Hues ta haya cu R.C. a causa hopi tristeza serca famia. Su yiu muher a haci demanda di daño y Hues a aproba e demanda aki.

Hues a bisa cu Fiscal a exigi 7 aña di prison y Hues ta haya e castigo aki husto. El a condena R.C. na 7 aña di prison, kitando tempo cu R.C. ta sera den KIA.

 

- Advertisement -

DUNA COMENTARIO

Please enter your comment!
Please enter your name here