Home Gobierno IMF ta mustra cu e crecimento economico ta bay ta dobel di...

IMF ta mustra cu e crecimento economico ta bay ta dobel di loke Gobierno a premira

224
0
SHARE
- Advertisement -

Prome Minister Evelyn Wever-Croes

ORANJESTAD (AAN):  Prome Minister Evelyn Wever-Croes dialuna mainta a duna un update durante un conferencia di prensa na Bestuurskantoor.

El a cuminza indicando cu ta habri un siman nobo cu oportunidadnan nobo y cu retonan cu no ta caba. El a bisa cu pa cada reto mester tin un plan y un vision.

Asina Gobierno a cuminza cu su plan pa atende cu e retonan financiero di Aruba. A bin cu e reforma fiscal cual pa fin di 2018 a significa cu 30 mil hende no ta paga inkomstenbelasting ni loonbelasting mas y pa 25 mil hende e belasting aki a baha.

Tambe a cambia e tarifa di grondbelasting cu ta pone cu 12 mil persona no ta paga e belasting aki mas y pa 16 mil persona e tarifa aki ta baha. “Nos no ta ainda unda nos mester ta, pero nos tin un plan y nos ta trahando ariba dje”, e mandatario a expresa.

Segun Wever-Croes, e otro reto cu Gobierno a haya ta e reto social, cual ta grandi, a remarca. Riba tereno social tabata tin hopi negligencia pa hopi aña y e trabao ta hopi grandi.

Aworaki ta trahando ariba e retonan economico pa trece desaroyo economico y crea cupo di empleo.

Tambe tin retonan ariba e tereno di salud pa brinda un mihor cuido di salud y un mihor calidad di enseñanza.

Ya caba por mira cierto frutonan, a indica pa locual gobierno ta haciendo. Den e tereno financiero a bin haya un deficit riba 300 miyon florin, cu ya pa aña pasa a bahe na 147 miyon florin, pero el a wordo baha considerablemente, a bisa.

E aña aki tin un deficit di 25 miyon florin y cu mira pa otro aña un surplus di 25 miyon, Wever-Croes a bisa.

E debe ta resulta cu e ta no 90% pero 78% danki na inversionnan grandi cu minister di finanzas a haci den Centrale Bureau Statistics. Por mira tambe cu e confianza di e consumidor ta bolbiendo bek, segun e investigacion cu Banco Central a haci y esaki a trece mas confianza tambve di parti di Hulanda, e mandatario a splica.

Gobierno a sali for di e punto di bista di e presupuesto di un crecimento economico di 1%, pero aworaki cu ta den negociacion cu IMF ta mustra cu e crecimento economico ta bay ta dobel di e 1% aki, Evelyn Wever-Croes a indica.

- Advertisement -

DUNA COMENTARIO

Please enter your comment!
Please enter your name here