Home General James Fazio ta cla pa prepara e siguiente CEO pa e compania

James Fazio ta cla pa prepara e siguiente CEO pa e compania

28
0
SHARE
- Advertisement -

AAA N.V relaciona cu retiro di CEO actual:

ORANJESTAD (AAN) – Pa evita speculacionnan relaciona cu e retiro di nan CEO actual, Sr. James Fazio, Airport Authority N.V. (AAA) a emiti un comunicado di prensa indicando kico ta e situacion rond di esaki.

“E CEO di Aruba Airport Authority N.V. (AAA) Sr. James Fazio a anuncia su decision personal pa laga e posicion di CEO di AAA atras na final di e acuerdo di empleo actual cu ta termina 31 di Augustus 2019.

Fazio a fungi como e CEO di AAA pa e ultimo 5 añanan y durante e periodo aki, banda di a alcanza diferente logro, a brinda liderazgo y guia pa e proyecto di expansion Gateway 2030 di aeropuerto.

Sr. Fazio a comenta riba e “timing” di su decision: “Aeropuerto ta transicionando for di e fase di planeamento pa e fase di construccion di e proyecto Gateway 2030, cu a rekeri e decision dificil pa wak si lo keda 5 aña mas of no, y basa riba motibonan personal, mi deseo ta pa ta mas cerca di mi famia y amistadnan y continua cu mi carera bek na New York. Royal Schiphol Group a identifica un candidato como mi sucesor, y den e proximo siman mas o menos e CEO nobo lo bishita Aruba y lo wordo introduci na e Accionista, Hunta di Supervision, y staf di AAA”.

Esaki ta un transicion planea pa permiti un transicion di 4 pa 5 luna, y pa prepara e siguiente CEO debidamente pa e proyecto di construccion cu ta na caminda y pa asina e por asumi e responsabilidad pa lidera aeropuerto.

Durante su 5 añanan na AAA, e tabata un prioridad pa Sr. Fazio pa sigura e bon relacion y comunicacion habri cu tur partner y pa brinda e mihor liderasgo posibel pa e compania: “Mi kier enfatisa cu di berdad mi a disfruta di mi periodo na Aruba y mi ta agradecido na Gobierno, e partnernan, accionistanan, staf y tur persona cu mi a traha di serca cu ne den un forma hopi profesional y respetuoso.

Mi ta sinti mi honra di a ricibi e confiansa pa lidera Aruba su aeropuerto nacional pa e ultimo 5 añanan y mi lo sigui ta 100% comprometi na AAA durante e resto di e temporada cu mi tin akinan, mirando cu nos tin algun milestone importante relata cu e proyecto pa alcansa den e lunanan nos dilanti.”

AAA ta gradici Sr. Fazio pa su esfuersonan pa sigui desaroya e aeropuerto cu ta creciendo y ta desea Sr. Fazio tur cos bon den su siguiente meta profesional”.

 

- Advertisement -

DUNA COMENTARIO

Please enter your comment!
Please enter your name here