Home General KvK tin bienestar di pueblo na pecho y a duna un man...

KvK tin bienestar di pueblo na pecho y a duna un man cu Aruba Doet

2
0
SHARE
- Advertisement -

Brindando su aporte na dos proyecto boluntario:

ORANJESTAD (AAN): Diabierna 15 di maart 2019 na diferente localidad rond di Aruba ciudadanonan a duna un man cu Aruba Doet. Camara di Comercio y Industria di Aruba (KvK) tambe a tuma parti den esaki pa yuda cu dos diferente proyecto di Aruba Doet.

Aruba Doet e aña aki a conta cu participacion di hopi mas empresanan y organisacionnan. E interes ta keda crece tur aña y e ta algo hopi bunita pa mira con Aruba completo ta duna man y haci bon pa nos comunidad.

KvK e aña aki a yuda na e proyecto di Casa Cuna caminda cu a pidi pa boluntarionan bin yuda verf partinan di e edificio di Casa Cuna entre otro e gazebo banda di e speelplaats. Parti mainta e team bon anima di KvK a yuda verf y asina na final por a wak un gazebo cu a haya un bida nobo cu un bunita color oranje. Tur esnan presente por a aprecia presencia di Su Excelencia Gobernador cu a hiba palabra y pa un rato tur e boluntarionan a traha disfrutando di e bon animacion di un brass band.

Despues di merdia e otro team di KvK a bay yuda traha y vernisa bankinan na Colegio EPI Salubridad y Servicio. E boluntarionan a yuda corta palo, arma y verf e bankinan cu vernis. Esaki tabata un experiencia hopi agrabel mirando cu Aruba Doet ta alabes un bon forma pa socialisa cu coleganan den otro ambiente pafo di trabou.

Na fin di dia por wak bek na 2 proyecto completa. E ta admirabel e oportunidad unico cu Aruba Doet ta ofrece pa yuda diferente instancianan cu no tur ora tin forma pa completa proyectonan riba nan mes. Di e forma aki nan ta haya ayudo y por conta cu organisacionnan manera KvK pa por logra esaki.

 

 

- Advertisement -

DUNA COMENTARIO

Please enter your comment!
Please enter your name here