Home Enseñanza Lectura pa modelo den planeacion y diseño pa atraccionan turistico y historico...

Lectura pa modelo den planeacion y diseño pa atraccionan turistico y historico pa e islanan chikito

138
0
SHARE
- Advertisement -

ORANJESTAD (AAN) – Prof. Lasten, actualmente residencia na Bogota Colombia ta na Aruba dia 29 di maart proximo, especialmente pa presenta un charla cu e tema “A Methodology/Blueprint for Planning and Designing Staged-Auhentic Heritage Attractions for Small Island Nations.

Turismo ta un industria dinamico pa varios mercado, y mester ser adopta na condicionan di cambionan economico, y no semper mester of por depende solamente si e Solo, Laman, y Beachnan.

Tin un preocupacion cu den futuro, condicionan por cambio y destinonan tropical manera Aruba kisas no tin suficiente recurso pa promove e demanda turistico. E solo, laman, y beachnan solamente no por competi den e mercado turistico global di islanan chikito.

Tin bastante razon pa explora otro opcionan pa diversifica e producto turistico y introduci elementonan cultural cu ta unico pa e destino-Aruba. Aki ta referi na un historia bibo—un atracion unda ta trece bek nos historia di nos antepasadonan pa atrae e turismo global.

Atracionan di e turismo patrimonial tin fuentenan tangible manera lugarnan culto, edificionan historico, restonan arquitectonico, como tambe filosofia intangible antigua, tradicionan y ceremonianan cultural. E atracionan cultural ta capaz di produci eventonan historico, educacion, y entretenimiento pa e publico.

Ningun isla por copia otro—pasobra cada isla tin su propio y unico historia cultural.  E santo blanco di nos beachnan, e cayente di e solo, y e laman blouw nos por hanja tur otro caminda similar na nos isla.

E intencion di Prof. Lasten ta pa trece e autenticidad historico cultural bek na bida pa islanan chikito manera Aruba. Paisnan grandi a tuma ventaha di e islanan door di a hasi nan colonia y pesey nan a perde nan originalidad y e paisnan grandi cu dominio riba e islanan den pasado a trata pa e islanan sigui solamente historia di e madre patria lubidando nan propio cultura y tradicionan.

No por semper “copy paste” otro paisnan grandi ariba varios tema y laga nos mes como pais chikito manera Aruba atrás den pensamento, participacion, creacion, y innovacion. Nos tin un historia mas grandi y amplio pa conta mundo, sin tene cuenta cu nos solo, laman, y beachnan.

Prof. Lasten tin un modelo, e metodologia, un blueprint pa crea e di cuarto elemento (apart di e solo, laman, y beachnan) pa genera un valor economico adicional pa nos isla Aruba. Su experticio ta basá riba un estudio cu varios colección di datos cientifico rond mundo manera na Massachusets, Orlando,  Florida, Illinois, Hawaii, y Aruba.

Prof. Lasten a contribui y  ainda ta contribuyendo pa otro paisnan den exterior manera Vietnam pa cu su metodologia di planea y diseña mihor atracionan cultural turistico pa generacionan di awe y di den futuro.

Mester por interpreta e pasado di un museo den e aire liber pafor di un edificio, historia mester sirbi como e herment pa investiga den e experiencia arqueologico, y mester por proporciona un modelo nobo agradabel y actividadnan recreativo pa tur esnan interesa (esta e comunidad y turismo cultural cu ta gusta gasta plaka den e economia di Aruba) di historia y di por debati encuanto e bida di nos antepasadonan.

Falta bastante historia scirbi di hopi di nos islanan den Caribe, Mediteraneo, Oceano Indico  y tambe ta presenta cu varios biaha practicamente no ta exisiti nada di historia verbal of scirbi. Y den algun lugarnan unda tin algo di e historia aki tampoco tin mucho di conta. Islanan ta wordu influencia pa culturanan dominante den cuminda, bistimento, musica, y e historia copiá di otronan.

Paisnan mas grandi a tuma over con islanan mester pensa y actua. Aruba mester bin bek na su raiz pa tin su intachable indentidad propio, sin cambia esaki pa nos turismo y nos comunidad. Lo crea mas respet y sinceridad pa sa kende nos ta en realidad y kiko Aruba ta pa mundo henter. Simplemente “ARUBA TA UN REAL BIG” ONE HAPPY ISLAND”.

Mester por rebiba bek nos mes origen historico y beneficia di nos herencia exitosamente como un atracion cultural turistico. Actualmente Professor Lasten tin e metodologia y a ser comproba cu e ta traha pa juda un pais manera Aruba cu un atracion adicional, un aporte adicional pa hasi nos economia crece y ser mas vibrante pa nos communidad y turismo global.

Prof. Lasten ta hasi un apelacion na tur esnan interesa, pa bin scucha un charla cu por enrikece nos conocemento y cu e posibilidad di por conduci na diferente beneficio awe y mañan pa nos mes di e producto nobo aki.

E charla aki lo tuma lugar den Departamento Economico na L.G. Smith Blvd. 160 na prome piso di 3’or pa 4’or. E entrada ta gratis.

- Advertisement -

DUNA COMENTARIO

Please enter your comment!
Please enter your name here