Home Actividad Especial Maria Conchita Alonso ta na Aruba pa e premiere di e pelicula...

Maria Conchita Alonso ta na Aruba pa e premiere di e pelicula “He matado a mi marido”

949
0
SHARE
- Advertisement -

ORANJESTAD (AAN):  Diabierna atardi na Aruba Trading Company tabata tin un conferencia di prensa unda a conta cu e presencia di e famoso artista venezolano Maria Conchita Alonso.

Alonso hunto cu e productor arubiano, Joe Henriquez y e tambe productora Daniela Ruiz, a anuncia di ta masha emociona di por ta presente na e premiere di e pelicula aki na Aruba. 

Un siman pasa “He matado a mi marido” tabata tin su red carpet na Los Angeles y awor, un siman despues, Aruba tin e honor di conta cu presencia di su protagonista Maria Conchita Alonso, kende ta interprete e personahe di Remedios. Un muher cu a haya sa di e relacion di su casa cu un otro muher y den su desesperacion ta mata e casa y mester deshaci di e curpa.

Si bo kier haya sa mas di comedia aki ainda tin chens pa mañan diasabra bay disfrut’e na Cinema na Renaissance Market Place den e funcion di 8’or di anochi. Pa loke ta diabierna, e premiere tabata sold-out, Henriquez a indica.

Mañan anochi, Maria Conchita y e productornan lo ta presenta un biaha mas pa bo por ser a conoci personalmente cu nan y pa contesta preguntanan di e publico.

E actriz a laga sa cu esaki ta un pelicula independiente cu un toke special y cu hopi
humor. Esey ta un di e motibonan cu el a acepta e papel aki.

“He matado a mi marido” ta un comedia spaño skirbi y dirigi pa Francisco Lupini Basagoiti. Encabeza pa actriz María Conchita Alonso y Assumpta Serna. E pelicula ta conta cu un elenco protagoniza pa Eduardo Yañez, Guy Ecker, Alicia Machado, Gaby Espino y Luis Ernesto Franco..

Alonso a duna di conoce cu recien el a participa den e serie exitoso “El Señor de los Cielos” unda el a interpreta e personahe di un abogada di New York.

Awor e ta feliz di por a participa den e produccion aki y di man di e productor arubiano Joe Henriquez.

- Advertisement -

DUNA COMENTARIO

Please enter your comment!
Please enter your name here