Home Gobierno “Mi ta kere nos no tin cu bolbe haci e mesun foutnan...

“Mi ta kere nos no tin cu bolbe haci e mesun foutnan cu nos a haci cu Watty Vos Boulevard”

110
0
SHARE
- Advertisement -

Otmar Oduber: pa cual nos tin awe hopi caminda cera

ORANJESTAD (AAN): Minister Otmar Oduber ta conciente di foutnan cu a wordo haci ora di bay traha cierto careteranan.

El a duna di conoce cu nan ta evalua ora di bay traha ariba un caminda.  “Pero mi ta kere na e momentonan aki si nos mira kico tur ta tumando lugar rond di Aruba caba, cuanto caminda ta cera, cuanto rotonde ta bezig ta wordo construi, mi ta kere nos no tin cu bolbe haci e mesun foutnan cu nos a haci cu Watty Vos Boulevard pa cual nos tin awe hopi caminda cera. Atrobe, no pa motibo cu DOW kier of gobierno kier”, a expresa.

A bisa cu den e caso aki ta un contract y e compania sa cu e trabao mester keda cla na Augustus venidero. E caminda mester ta entrega y habri. E minister a ripara cu ta cayendo laat y lamentablemente esey ta e lesnan cu ta wordo siña pa por cambia contractnan den futuro.

Mester pone un timeline y pone e trabao den fasenan pa evita e situacion cu tin aworaki y cu ta haya hopi caminda cera pareu, a remarca.

Esaki ta bay sigui asina un par di luna mas. Tin un par di rotonde mas cu ta bay wordo construi.

Problema cu luz di trafico ta un otro reto cu gobierno tin atrobe. Luznan di trafico a bira bieu y no ta haya pieza pa nan. Tin diferente luz di trafico cu actualmente ta paga y cu cierto momento e ora mester pensa ariba trahamento di rotondenan, ya cu nan ta mas facil pa mantene y ta mas sigur y miho pa e fluho di trafico, a señala.

E mandatario ta kere den traha den fasenan, drecha e camindanan cu tin prioridad y evalua den futuro si en berdad un rotonde ta e solucion pa e fluho di trafico.

 

 

- Advertisement -

DUNA COMENTARIO

Please enter your comment!
Please enter your name here