Home Comentario Minister a duna DOW opdracht pa pone road-bumps na tur rotonde

Minister a duna DOW opdracht pa pone road-bumps na tur rotonde

37
0
SHARE
- Advertisement -

ORANJESTAD (AAN) – Den conferencia di prensa di gobierno, Diahuebs, Minister di Infrastructura, Desaroyo Teritorial y Maneho di Medio Ambiente, a contesta diferente pregunta, entre nan e asunto di e rotonde unda un accidente fatal a caba di sosode, y a genera basta polemica.

A puntra e mandatario si ta bay tin un revision di e rotonde aki unda tambe ta wordo bisa cu falta luz ademas cu e muraya ta mucho diki.

E mandatario a expresa cu a surgi un discusion tocante algo cu no ta cuadra cu e realidad di loke a sosode den e accidente lamentable aki.

Minister a subraya cu no ta a causa di e rotonde cu e accidente a sosode. E auto a bolter varios biaha prome cu el a bay drumi riba e rotonde, y esaki por wak tambe pasobra rotonde mes no a haya ni un daño.

Pero esaki no ta kita cu e accidente lamentable aki a habri wowo di gobierno pa mira pa futuro si ta sigui embeyece e rotondenan aki asina, of no.

Mester haci un evaluacion di su pro y contra, y defini su ta pone obstaculonan pasobra e por ta peligroso pa e chofer cu por pega soño y accidenta, pero di otro banda si no pone obstaculo e auto por sigui bay door y dal riba un inocente cu ta bin na e otro banda di e rotonde.

Esaki ta evaluacionnan cu tin cu wordo haci. Un decision cu a wordo tuma Diaranzon caba cu e director di DOW, ta e hecho cu den tur rotonde ta bay percura pa pone road-bumps,  manera tin dilanti di bowling na Eagle. Algun tempo pasa nan a haci un test pero no a bin cune, pero awor e minister a duna opdracht pa nan pone mas pronto posible.

- Advertisement -

DUNA COMENTARIO

Please enter your comment!
Please enter your name here